Монгол Улсын Ерөнхий аудитор Сандагийн Магнайсүрэнг шинээр томилогдсонтой холбогдуулан гадаадын улс орнуудын Аудитын дээд байгууллагуудаас баяр хүргэж, амжилт хүссэн мэндчилгээ ирүүлсээр байна. Аудитын Дээд Байгууллагуудын Олон улсын байгууллага ИНТОСАИ, Аудитын дээд байгууллагын Азийн байгууллага АСОСАИ, ИНТОСАИ-ийн хөгжлийн санаачлагч АиДиАи болон гишүүн байгууллага болох Австрали, Австри, БНХАУ, ОХУ, Пакистан, ИБУИНВУ, Япон, БНСВУ (Вьетнам), БНАЛАУ (Лаос), Кувейт, Непал, Мьянмар зэрэг улсын Аудитын дээд байгууллагуудаас баяр хүргэж, талуудын идэвхтэй өрнөж буй хамтын ажиллагаа улам хөгжинө гэдэгт итгэлтэй байгаагаа илэрхийллээ.
