Төрийн аудитын байгууллага нь Аудитын Дээд Байгууллагуудын Олон улсын байгууллагын Хөгжлийн хөтөлбөрөөс хэрэгжүүлж байгаа технологийн засаглалыг бэхжүүлэх pICTure хөтөлбөрт сонгогдсон. Энэхүү хөтөлбөрөөр улс орнуудын аудитын дээд байгууллагууд мэдээллийн технологийн засаглалаа бэхжүүлнэ. Улмаар технологийн хөгжилтэй хөл нийлүүлж, төрийн аудитын үйл ажиллагаанд цахим шилжилтийг нэвтрүүлэх зорилтоо хэрэгжүүлэхэд чухал ач холбогдолтой юм.
Тэгвэл уг хөтөлбөрийн зөвлөх, Филиппин улсын Төрийн Аудитын газрын Инновац, Хөгжлийн хэлтсийн дарга ноён Марвин A. Де Гусман Монгол Улсад ажиллаж байна. Ноён Марвин А.Де Гусманыг Монгол Улсын Ерөнхий аудитор С.Магнайсүрэн хүлээн авч уулзаж, манай улсын Төрийн аудитын байгууллагад цахим шилжилтийг нэвтрүүлэх тэргүүлэх зорилтын зөвлөхөөр ажиллаж байгаад талархлаа илэрхийлэв.
Аудитын Дээд Байгууллагуудын Олон улсын байгууллагын Хөгжлийн хөтөлбөрөөс хэрэгжүүлж байгаа энэхүү хөтөлбөрт манай Төрийн аудитын байгууллага болон бусад 5 орны хамт сонгогдсон юм.
