Төсвийн байнгын хорооны өнөөдрийн /2024.12.04/ хуралдаанаар Төрийн аудитын байгууллагын 2025 онд гүйцэтгэх аудитын сэдвийг баталлаа.

Төрийн аудитын байгууллага нь 2025 онд хуульд заасны дагуу болон бодлогоор дараах сэдвийн аудитыг хийж гүйцэтгэнэ. Үүнд:

Хуулийн дагуу гүйцэтгэх аудит

1. Монгол Улсын Засгийн газрын 2024 оны санхүүгийн нэгтгэсэн тайлан, Монгол Улсын 2024 оны төсвийн гүйцэтгэл

2. Сангийн яамны 2024 оны санхүүгийн тайланд аудит хийх

3. Төсвийн ерөнхийлөн захирагчдын санхүүгийн нэгтгэсэн тайланд аудит хийх

4. Төсвийн төвлөрүүлэн захирагчдын санхүүгийн нэгтгэсэн тайланд аудит хийх

5. Засгийн газрын тусгай сангийн санхүүгийн тайланд аудит хийх

6. Төрийн болон орон нутгийн өмчит аж ахуйн нэгжийн санхүүгийн тайланд аудит хийх

7. Төсөл, хөтөлбөрүүдийн санхүүгийн тайланд аудит хийх

8. Төсвийн шууд захирагчдын санхүүгийн тайланд аудит хийх

9. Газрын тосны салбарт бүтээгдэхүүн хуваах гэрээгээр хайгуулын үйл ажиллагаа явуулсан гэрээлэгчийн нийт хөрөнгө оруулалт, өртөг нөхсөн болон нөхөх зардлын хэмжээ, газрын тосны экспорт, борлуулалтын орлогын тооцоо, хуваарилалтад баталгаажуулалт хийх

10. Газрын тосны салбарт бүтээгдэхүүн хуваах гэрээгээр олборлолтын үйл ажиллагаа явуулсан гэрээлэгчийн нийт хөрөнгө оруулалт, өртөг нөхсөн болон нөхөх зардлын хэмжээ, газрын тосны экспорт, борлуулалтын орлогын тооцоо, хуваарилалтад баталгаажуулалт хийх

11. Монгол Улсын 2026 оны төсвийн төсөлд дүгнэлт өгөх

12. Улсын төсвийн 2024 оны хөрөнгө оруулалтын төлөвлөгөөний хэрэгжилт

13. Засгийн газрын өрийн удирдлагын 2023-2025 оны стратегийн баримт бичгийн хэрэгжилт

14. Монгол Улсын 2021-2025 онд хөгжүүлэх таван жилийн үндсэн чиглэлийн хэрэгжилт

15. Улсын хөгжлийн 2024 оны жилийн төлөвлөгөөний гүйцэтгэл

16. Дипломат төлөөлөгчийн газрын 2023 оны санхүүгийн тайлан, төсвийн гүйцэтгэл

17. Гүйцэтгэх ажиллагаанд зориулсан хөрөнгийн зарцуулалт

Бодлогоор гүйцэтгэх аудит

1. Хүнсний аюулгүй байдлыг хянах өнөөгийн тогтолцоо, үр дүн

2. Гамшгийн бэлэн байдлыг хангахтай холбоотой хууль тогтоомжийн хэрэгжилт

3. Үр дүн, гүйцэтгэлд суурилсан төсөвлөлт, төлөвлөлтийн шилжилтийн үйл явц, үр дүн

4. Ундны ус, ариун цэврийн байгууламжтай холбоотой хэрэгжүүлж буй төсөл, хөтөлбөрүүд, тэдгээрийн үр нөлөө /”Тогтвортой хөгжлийн зорилт-2030”-ын 6.1/

5. Засгийн газраас агаар, орчны бохирдлыг бууруулах чиглэлээр 2021-2024 онд хэрэгжүүлсэн арга хэмжээний хэрэгжилт, үр дүн

6. Уул уурхайн нөхөн сэргээлтийн сангийн үйл ажиллагаа, үр дүн, үр нөлөө

7. Төрөөс аялал жуулчлалыг хөгжүүлэх талаар баримталж буй бодлого, хөтөлбөрийн хэрэгжилт

8. Төрийн өмчит уул уурхайн компаниудын худалдан авах ажиллагааны цахим системийн ашиглалт, үр дүн

9. Уул уурхайн тусгай зөвшөөрөл олголт, хууль тогтоомжийн хэрэгжилт

10. Монгол-Оросын хамтарсан Улаанбаатар төмөр зам хувь нийлүүлсэн нийгэмлэгийн үйл ажиллагааны нийгэм, эдийн засагт үзүүлж буй үр нөлөө, үр ашиг

11. Оюу толгой ХХК-ийн зээлийн ашиглалт, зарцуулалтын үр дүн

12. Боловсролын зээлийн сангийн 2017-2024 оны үйл ажиллагааны гүйцэтгэл, үр дүн

13. Иргэний нисэхийн ерөнхий газрын үйл ажиллагааны үр дүн, үр нөлөө

14. Ахмад настны тухай хуулийн 14.7 дахь хэсгийн хэрэгжилт, түүний үр дүн

15. Стратегийн ач холбогдол бүхий төрийн өмчит компаниудын үйл ажиллагааны үр дүн, үр нөлөө, нийцэл

16. Хөдөө аж ахуйн салбараас бусад салбарт хэрэгжүүлсэн гадаадын зээл тусламжийн хөрөнгийн зарцуулалт, гүйцэтгэлийн үр дүн, үр нөлөө

17. Улсын төсвийн хөрөнгөөр өмнөх онуудад ажил нь эхэлсэн боловч төсөвт өртөг нэмэгдэж байгаа барилга байгууламжийн төсөвт аудитын дүгнэлт гаргах

18. Төрийн хэмнэлтийн тухай хуулийн хэрэгжилт, үр дүн

19. Хүнс, хөдөө аж ахуй, хөнгөн үйлдвэрийн яамны эрхлэх асуудалд хамаарах Засгийн газрын тусгай сангууд болон Хөдөө аж ахуйн корпораци ТӨХХК-ийн үйл ажиллагаа, үр дүн

20. Арилжааны банкуудад төсөв, Засгийн газрын тусгай сан, төрийн болон орон нутгийн өмчит аж ахуйн нэгжүүдээс байршуулсан хөрөнгийн үр дүн

21. Эм, эмнэлгийн хэрэгслийн талаар төрөөс баримталж буй бодлого болон холбогдох хууль тогтоомжийн хэрэгжилтийн үр дүн

22. Үнэ тогтворжуулах зорилгоор төрөөс олгож буй татаас, нөхөн олговрын зарцуулалтын үр дүн

23. Төрөөс эрчим хүчний салбарт баримталж буй бодлого, үнэ тарифын зохицуулалт, өртөг, зардал

24. Хүү торгуулийн орлогын бүрдүүлэлт, зарцуулалт