Төрийн аудитын байгууллагын удирдах албан хаагчдын 2026 оны зөвлөгөөн хоёр дахь өдрөө амжилттай үргэлжилж, өнөөдөр өндөрлөлөө. Өнөөдрийн зөвлөгөөнөөр аудитын газруудын үйл ажиллагаанд анхаарах асуудал, аудитын шийдвэрийн хэрэгжилтийн хууль, эрх зүйн орчин, Төрийн аудитын байгууллагын цахим шилжилт, чанарын удирдлагын тогтолцоо, бодлого, дотоод хяналтын тогтолцооны талаар мэдээлэл хийв. Мөн аймаг, нийслэл дэх Төрийн аудитын газрууд үйл ажиллагааныхаа талаар бүсчлэн танилцуулж, сайн туршлагаа хуваалцлаа. 
өвлөгөөнд Монгол Улсын Ерөнхий прокурорын газар, Авлигатай тэмцэх газрын төлөөлөл оролцож, аудитын шийдвэрийг хэрэгжүүлэхэд хууль, хяналтын байгууллагууд чиг үүргийнхээ хүрээнд мэдээлэл солилцох болон бусад чиглэлээр хамтран ажиллах талаар танилцуулга хийлээ. Түүнчлэн Үндэсний аудитын зохион байгуулалтын нэгжүүд, аймаг, нийслэл дэх Төрийн аудитын газрын удирдлагууд 2026 оны Гүйцэтгэлийн төлөвлөгөөгөө батлууллаа. Хоёр өдөр үргэлжилсэн удирдах албан хаагчдын зөвлөгөөнийг хааж Монгол Улсын Ерөнхий аудитор С.Магнайсүрэн хэлсэн үгэндээ,“Иргэд Төрийн аудитын байгууллагыг хууль дээдлэх зарчмыг сахиулж ажилладаг хөндлөнгийн, хараат бус байгууллага гэж хардаг. Иргэдийн энэ хүлээлтэд бид тэнцэж ажиллах ёстой. Тиймээс та бүхэн шударга ёсыг сахиж, авлига, ашиг сонирхлын зөрчлөөс ангид байж, ёс зүйтэй, хууль дээдлэх зарчмыг хангахад манлайлал үзүүлж ажиллаарай” гэсэн юм.
