Үндэсний аудитын газар нь Монгол Улсын Их Хурлын Төсвийн байнгын хорооны 2025 оны 25 дугаар тогтоолоор баталсан төрийн аудитын байгууллагаас 2026 онд гүйцэтгэх аудитын сэдэв, Монгол Улсын Ерөнхий аудиторын 2025 оны А/179 дүгээр тушаалаар баталсан аудитын жилийн ажлын төлөвлөгөөг үндэслэн “Туулын хурдны зам мега төслийг үр нөлөөтэй төлөвлөсөн байдал” сэдэвт аудитад Туулын хурдны зам мега төслийн техник, эдийн засгийн үндэслэл, зураг, төсөв, холбогдох бусад баримт бичгүүдийг судалж эрсдэлийг тооцож, дүгнэлт гаргах шинжээчийг саналаа ирүүлэхийг урьж байна. Шинжээч нь Монгол Улсын холбогдох хууль тогтоомжийг үйл ажиллагаандаа мөрдлөг болгон гэрээ, ажлын даалгаварт заасан ажлыг мэргэжлийн болон чанарын өндөр түвшинд хийж, шаардлагатай судалгаа, шинжилгээ, тооцоо, тайлан бусад ажлыг хугацаанд нь үнэн зөв, чанартай хэрэгжүүлэх үүрэг хүлээнэ. Сонгон шалгаруулалтыг Монгол Улсын Ерөнхий аудиторын 2020 оны А/82 дугаар тушаалаар баталсан “Шинжээч сонгон шалгаруулах, гэрээ байгуулах, дүгнэх, гүйцэтгэсэн ажлын чанарыг хянах журам”-ын дагуу зохион байгуулна. Журмыг ЭНДЭЭС үзнэ үү. Энэхүү сонгон шалгаруулах үйл ажиллагаа нь Төрийн аудитын байгууллагатай гэрээний үндсэн дээр хамтран ажиллах дараах ажилд хамаарна. Үүнд:

• Саналын баримт бичгийг ЭНДЭЭС үзнэ үү.

Шинжээч нь дараах шаардлагыг хангасан байна. Үүнд:

1. Авто замын инженер

• Авто замын инженер мэргэжилтэй, бакалавр ба түүнээс дээш боловсролын зэрэгтэй;

• Мэргэжлээрээ 10-аас доошгүй жил ажилласан, ижил төстэй ажил гүйцэтгэж байсан туршлагатай;

• Зөвлөх зэрэгтэй байх;

• Хятад хэлний мэдлэгтэй бол давуу тал болно.

2. Гүүрийн инженер

• Гүүрний инженер мэргэжилтэй, бакалавр ба түүнээс дээш боловсролын зэрэгтэй;

• Мэргэжлээрээ 10-аас доошгүй жил ажилласан, ижил төстэй ажил гүйцэтгэж байсан туршлагатай;

• Зөвлөх зэрэгтэй байх;

• Хятад хэлний мэдлэгтэй бол давуу тал болно.

3. Төсөвчин

• Мэргэжлээрээ 5-аас доошгүй жилийн ажлын туршлагатай;

• 3-аас доошгүй удаа төсөвчнөөр ажилласан байх;

• Мөн авто замын зураг төслийн ажилд төсөвчнөөр ажилласан, Тэргүүлэх эсвэл Мэргэшсэн зэрэгтэй байх;

• Хятад хэлний мэдлэгтэй бол давуу тал болно.

/Жич: Шалгарсан шинжээчид нь багийн зохион байгуулалтаар ажиллах бөгөөд багийн ахлагчийг шинжээчдээс томилно./

Бүрдүүлэх материал:

• Иргэний үнэмлэхийн хуулбар;

• Шинжээчийн анкет /CV/;

• Боловсролын зэргийн диплом;

• Мэргэшлийн гэрчилгээ, үнэмлэх, сертификатын хуулбар;

• Гүйцэтгэсэн ижил төстэй зөвлөх үйлчилгээний мэдээллийг холбогдох нотлох баримтын хамт /сүүлийн 3 жилээр/.

Сонирхож буй этгээд нь дээрх материалыг бэлтгэн 2026 оны 03 дугаар сарын 05-ны өдрийн 17 цаг 30 минут хүртэл /munkhtuyats@audit.gov.mn/ цахим хаягаар pdf файл хэлбэрээр нэгтгэн /PDF файлыг 15MB-аас ихгүй ирүүлэх ба файл заасан хэмжээнээс илүү гарсан бол файлыг хуваах/ ирүүлнэ.

Хаяг: Улаанбаатар хот, Чингэлтэй дүүрэг, Бага тойруу-3 Засгийн газрын IV байр 308 тоот, Хууль, эрх зүй ил тод байдал хариуцсан албаны Ахлах шинжээч Ц.Мөнхтуяа

Холбоо барих:+976-51-261745, 92113939