Монгол Улсын Засгийн газраас 2025-2030 онд хэрэгжүүлэхээр төлөвлөж буй “Төрийн санхүүгийн удирдлагыг сайжруулах шинэчлэл”-ийн хүрээнд Олон улсын валютын сан (ОУВС)-ийн техник туслалцаатайгаар “Төсвийн ил тод байдлын үнэлгээ” хийж буй ажлын хэсэг Үндэсний аудитын газарт ажиллалаа. Уулзалтад Үндэсний аудитын газрын Санхүүгийн аудитын газрын захирал, тэргүүлэх аудитор Ц.Наранчимэг, Гүйцэтгэлийн аудитын газрын захирал, тэргүүлэх аудитор Д.Энхболд, Бодлого, төлөвлөлт, инновацын газрын дарга Х.Баярмаа болон холбогдох бусад албан хаагчид, Олон улсын валютын сангийн Төсвийн газрын Ажлын хэсгийн ахлагч Мажделин Эл Райесс, Ахлах эдийн засагч Гемма Престон тэргүүтэй төлөөлөгчид оролцов. 
Уулзалтын үеэр төрийн аудитын эрх зүйн орчин, үйл ажиллагаа Засгийн газрын санхүүгийн нэгтгэсэн тайлан, Монгол Улсын нэгдсэн төсвийн гүйцэтгэлд хийсэн аудитын талаар танилцуулга хийсэн юм. Мөн санхүүгийн тайлангийн аудитын үйл явц, төсвийн төсөлд хийж буй аудитын талаар хийсэн нэмэлт тодруулга, асуултад хариулт өглөө.
