БНХАУ-ын
Нанжин хотноо Аудитын дээд байгууллагын азийн байгууллага (АСОСАИ)-н
"Төрийн өмчит аж ахуйн нэгжийн аудитын ажлын хэсэг”-ийн хоёрдугаар уулзалт
амжилттай болж өндөрлөлөө. Энэхүү арга хэмжээнд БНХАУ, Малайз, Турк, Индонез,
Энэтхэг, Гүрж, Монгол зэрэг 12 улсын Аудитын дээд байгууллагын 34 төлөөлөгч
оролцсон юм.Уулзалтын
үеэр төлөөлөгчид төрийн өмчит аж ахуйн нэгжид аудит хийх үндсэн чиглэлийн
төслийг боловсронгуй болгох талаар санал солилцож, тус ажлын хэсгээс 2025-2029
онд хэрэгжүүлэх үйл ажиллагааны төлөвлөгөөний төслийг хэлэлцлээ. Тус
уулзалтад Монгол Улсаас оролцсон төлөөлөгчид ерөнхий болон дэд ажлын хэсгийн
хэлэлцүүлгүүдэд идэвхтэй байр суурь илэрхийлж, баримт бичгийн төслийн зарим
заалтад нэмэлт, өөрчлөлт оруулах тодорхой саналуудыг дэвшүүллээ. Монгол Улсын
Төрийн аудитын байгууллагын төлөөлөгчдийн гаргасан саналыг ажлын хэсгийн ажлын
алба хүлээн авч судлахаар болсон бөгөөд цаашид хэлэлцүүлгийг үргэлжлүүлэн,
эцсийн баримт бичгийг 2027 онд батлахаар талууд санал нэгдэв. 
