Үндэсний аудитын газар “Шинэ хоршоо хөдөлгөөн”-д
олгосон зээл, эргэн төлөлт, үр дүнд хийх гүйцэтгэлийн аудитыг эхлүүлсэн. Аудитаар
“Шинэ хоршоо хөдөлгөөн” өрнүүлэх тухай Засгийн газрын тогтоолын хүрээнд малчинд
олгосон зээл, эргэн төлөлт, үр дүнд үнэлэлт дүгнэлт өгөх зорилготой юм. Энэ
хүрээнд төрөөс Шинэ хоршоо хөдөлгөөн өрнүүлэх чиглэлээр тодорхойлсон хөтөлбөр
үр дүнтэй хэрэгжиж байгаа болон хоршоог хуульд заасан шаардлагын дагуу
байгуулж, олгосон зээлийг зориулалтын дагуу ашиглаж, үр дүнг хэрхэн тооцож
байгааг тодорхойлно. Аудитын нээлтийн үеэр Гүйцэтгэлийн аудитын газрын
захирал, тэргүүлэх аудитор Д.Энхболд аудитын зорилго, хамрах хүрээ, төлөвлөгөө
болон хэрэгжилтийн явцад анхаарах асуудлуудын талаар мэдээлэл өглөө. Аудитыг тус “Шинэ хоршоо-Чинээлэг малчин” арга
хэмжээний төлөвлөгөөг хэрэгжүүлэгч байгууллагууд болон энэ хүрээнд 2024-2025
онд зээл авсан 7000 гаруй хоршооны малчдыг хамруулан гүйцэтгэх юм. 
