Монгол Улсын Төсвийн тухай хуулийн 28 дугаар зүйлд заасны дагуу Төрийн аудитын байгууллага нь 2027 оны төсвийн төслийг боловсруулах ажлын хүрээнд олон нийт, төрийн бус байгууллага, мэргэжлийн холбоод, хувийн хэвшлийн байгууллага болон иргэд, олон нийтээс санал авч байна. Санал асуулга нь Төрийн аудитын байгууллагын төсвийн ерөнхийлөн захирагчийн 2027 оны төсвийн төслийн саналд олон нийтийн оролцоог хангах, байгууллагын чиг үүрэг, хэрэгжүүлэх үйл ажиллагааг үр нөлөөтэй, хүртээмжтэй төлөвлөхөд шаардлагатай санал, зөвлөмжийг тусгах зорилготой юм.
Тиймээс төсвийн төслийн талаарх танхимын хэлэлцүүлгийг 2026 оны 8 дугаар сарын 7-ны өдрийн 14:00 цагт Үндэсний аудитын газрын 401 тоот хурлын танхимд зохион байгуулна. Хэлэлцүүлгийг байгууллагын албан ёсны цахим хуудсаар шууд дамжуулах бөгөөд сонирхсон иргэд, байгууллага, аж ахуйн нэгжүүд биечлэн болон цахимаар оролцох боломжтой.
Төрийн аудитын байгууллагын 2027 оны төсвийн төсөлтэй холбоотой санал, зөвлөмжийг 2026 оны 8 дугаар сарын 10-ны өдрийг хүртэл бичгээр болон цахимаар хүлээн авна.
Иргэд, байгууллагууд дараах цахим холбоосоор орж санал асуулгад оролцох боломжтой:
Санал асуулгын холбоос:
https://docs.google.com/forms/d/e/1FAIpQLSdxFIwxxruGXZP9CLdL02ECUMiiDBlB45LWYpydkYU4wiO1rw/viewform
Санал хүлээн авах хаяг: Улаанбаатар хот, Чингэлтэй дүүрэг, Бага тойруу-3, Засгийн газрын IV байр, Үндэсний аудитын газар
Цахим шуудан: myagmarsurenb@audit.gov.mn
Холбоо барих утас: 51-261745
Төрийн аудитын байгууллага нь төсвийн төлөвлөлтийн үйл явцад иргэд, олон нийтийн оролцоог хангах, ил тод байдал, хариуцлагыг бэхжүүлэх зорилтын хүрээнд Та бүхнийг идэвхтэй оролцож, санал бодлоо ирүүлэхийг урьж байна.
