Үндэсний аудитын газраас Гамшгийн бэлэн байдлыг хангах өнөөгийн тогтолцоо, хууль тогтоомжийн хэрэгжилтэд хийх гүйцэтгэлийн аудитыг өнөөдөр нээлээ. Энэ аудитын хүрээнд гаргасан дүгнэлт, боловсруулсан зөвлөмжийг холбогдох байгууллага, албан тушаалтанд танилцуулж, олон нийтэд мэдээлэхэд аудитын зорилт чиглэх юм.
Тэгэхдээ Гамшгаас хамгаалах тухай хууль болон эдгээртэй уялдуулан батлагдсан төрийн бодлого, хөтөлбөр, төлөвлөгөө, төсөв, зохион байгуулалтын арга хэмжээний 2023-2025 оны үр дүнг хамруулах юм. Энэ хүрээнд гамшгаас хамгаалах үйл ажиллагааны бэлэн байдалд дүн шинжилгээ хийж, тайлан, бусад нотлох баримт материалыг үндэслэл болгон аудитыг гүйцэтгэнэ. Үндэсний аудитын газрын Гүйцэтгэл, нийцлийн аудитын газрын захирал, тэргүүлэх аудитор Д.Энхболд аудитыг нээж, төлөвлөгөө хөтөлбөрийг танилцуулж, аудитын явцад анхаарах шаардлагатай асуудлын талаар мэдээлэл өглөө. Аудитад Засгийн газрын Хэрэг эрхлэх газар, Шадар сайд, ОБЕГ болон бусад холбогдох байгууллагыг хамруулах юм. Аудитын тайланг энэ оны 12 дугаар сарын 15-ны дотор Улсын Их Хурлын Аюулгүй байдал, гадаад бодлогын байнгын хороо болон бусад холбогдох байгууллага, албан тушаалтанд хүргүүлэхээр төлөвлөөд байна.
