Монгол Улсын Ерөнхийлөгч Ухнаагийн Хүрэлсүх 2025.05.01-ний өдөр зарлиг гаргаж Монгол Улсын Ерөнхий аудитор Дэлэгийн Загджавт Төрийн аудитын “Тэргүүн түшээгийн Тэргүүн зэрэг дэв” олгов.
Монгол Улсын Ерөнхийлөгчийн тухай хуулийн 9 дүгээр зүйлийн 1 дэх хэсэг, Төрийн аудитын тухай хуулийн 25 дугаар зүйлийн 25.5 дахь хэсгийг тус тус үндэслэн гаргасан зарлигийг Ерөнхийлөгчийн Тамгын газрын дарга Гомбожавын Занданшатар Төрийн Аудитын Тэргүүн түшээгийн Тэргүүн зэрэг дэв олгосон батламжийн хамт Монгол Улсын Ерөнхий аудитор Дэлэгийн Загджавт гардуулан өглөө.
