Монгол Улсын Ерөнхий аудитор Д.Загджав БНАЛАУ-аас Монгол Улсад суугаа Элчин сайд Хүнгээв Сүгсавад-ыг 01 дүгээр сарын 16-ны өдөр хүлээн авч уулзав.
Уулзалтаар Ерөнхий аудитор Д.Загджав БНАЛАУ-тай хөгжүүлж буй “Найрсаг харилцаа, хамтын ажиллагаа”-ны хүрээнд хоёр орны харилцаа гүнзгийрэн хөгжиж буйд сэтгэл өндөр байгаагаа илэрхийлээд цаашид Монгол Улсын Үндэсний аудитын газар болон БНАЛАУ-ын Үндэсний аудитын байгууллага хооронд бий болж байгаа хамтын ажиллагааны хүрээнд туршлага судлах, найрсаг хамтын ажиллагааг бэхжүүлэх боломж бүрдсэнд талархаж байгаагийн зэрэгцээ үзэглэх санамж бичигт дурдсан ажлууд бодитойгоор хэрэгжинэ гэдэгт итгэж байгааг илэрхийлэв.
Элчин сайд Хүнгээв Сүгсавад хоёр орны найрсаг хамтын ажиллагааг өргөжүүлэн хөгжүүлэх хүрээнд Аудитын Дээд Байгууллагын үйл ажиллагаанд бүхий л талын дэмжлэг үзүүлэн хамтарч ажиллахаа илэрхийлэв.
