Төрийн аудитын тухай хуулийн 15 дугаар зүйлийн 15.1-д заасан Үндэсний Аудитын газрын бүрэн эрхийн хүрээнд ”Аудитын төлөвлөгөө батлах тухай” Монгол Улсын Ерөнхий аудиторын 2019 оны А/100 дугаар тушаалыг үндэслэн “Төрөөс бүх нийтийн ерөнхий боловсрол олгож буй өнөөгийн байдал, үр дүн” сэдвээр улсын хэмжээнд нэгдсэн удирдамжаар хийгдэх аудитын нээлтийг 2020 оны 08 дугаар сарын 24-ний өдөр хийлээ. Нээлтийг Төрийн Аудитын газрын дарга, тэргүүлэх аудитор Д.Бат-Ундраа гүйцэтгэлийн аудитыг хийх үндэслэл, бүрэн эрх, зорилт, хамрах хүрээ зэрэг асуудлуудыг танилцуулж, аудитыг эхлүүллээ. Нээлтэд Завхан аймаг дахь Төрийн Аудитын газрын аудитор Г.Чулуунбаатар, Б.Мөнхнасан, Д.Пүүжмаа нараас гадна аймгийн ЗДТГ-н Нийгмийн бодлогын хэлтсийн дарга А.Шаравжамц, аймгийн Боловсрол, соёлын урлагийн газрын даргыг түр орлон гүйцэтгэгч Б.Мөнхдэлгэр, тус газрын мэргэжилтнүүд болон 29 Ерөнхий боловсролын сургуулийн захирал, сургалтын менежер зэрэг 60 гаруй хүн оролцлоо.
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
