Аймаг, нийслэл, сум, дүүргийн Иргэдийн Төлөөлөгчдийн Хурлын сонгуулийн тухай хуулийн 56 дугаар зүйлийн 56.3-д “Нам, эвсэл нь санал авах өдрөөс хойш 45 хоногт, нэр дэвшигч санал авах өдрөөс хойш 30 хоногт багтаан зардлын тайландаа хувийн аудитын хуулийн этгээдээр дүгнэлт гаргуулан, Төрийн Аудитын орон нутаг дахь салбар байгууллагад хүргүүлнэ” гэж заасны дагуу аудитын дүгнэлтээ Завхан аймаг дахь Төрийн Аудитын газарт ирүүлэх хуулийн хугацаа дуусахад 3 хоног үлдлээ.
Улсын хэмжээнд зарлаад байсан гамшгаас хамгаалах хэсэгчилсэн өндөржүүлсэн бэлэн байдлын зэргийг ахиулсантай холбогдуулан аймаг, сумын орон нутгийн сонгуульд оролцсон нэр дэвшигч, бие даан нэр дэвшигчид зардлын тайлангийн дүгнэлтийг хавсралт маягтын хамт цахим хэлбэрээр ирүүлж болохыг мэдэгдье.
Зардлын тайланг цахим хэлбэрээр 2020 оны 11 дүгээр сарын 12-ны өдрөөс 2020 оны 11 дүгээр сарын 15-ны өдрийн 18.00 цаг хүртэл chuluunbaatarg@audit.gov.mn, munkhnasanb@audit.gov.mn хаягаар ирүүлнэ үү.
Жич: Цахим хэлбэрээр зардлын тайлан, хавсралт маягтыг ирүүлэхдээ хууль, журамд заасан мэдээллийг бүрэн ирүүлэхийг анхааруулж байна!
ЗАВХАН АЙМАГ ДАХЬ ТӨРИЙН АУДИТЫН ГАЗАР
