Монгол Улсад санхүүгийн байгууллага үүсэн байгуулагдсаны 110 жилийн ой, “Бүртгэл, санхүү, эдийн засгийн ажилтны өдөр”-ийг тохиолдуулан өргөсөн тангарагтаа үнэнчээр зүтгэж буй Үндэсний аудитын газрын зарим албан хаагчийг шагнаж урамшууллаа.
“Нягтлан бодох бүртгэлийн тэргүүний ажилтан” цол, тэмдгээр Аудитын гуравдугаар газрын Аудитын менежер Б.Саруул, Аудитын дөрөвдүгээр газрын Аудитын менежер Л.Хонгорзул, Хяналт, шинжилгээ, үнэлгээ дотоод аудитын газрын менежер Д.Баттулга, Хяналт, шинжилгээ, үнэлгээ дотоод аудитын газрын менежер З.Ариунзаяа Аудитын гуравдугаар газрын Ахлах аудитор Б.Болормаа, Аудитын дөрөвдүгээр газрын Ахлах аудитор Б.Лхагвацэнд, Аудитын гуравдугаар газрын аудитор С.Бат-Эрдэнэ нар шагнуулав.
Мөн “Санхүү, банкны тэргүүний ажилтан” цол, тэмдгээр Хяналт, шинжилгээ, үнэлгээ дотоод аудитын газрын менежер С.Нямсүрэн, Аудитын нэгдүгээр газрын Ахлах аудитор Б.Анхбаатар энгэрээ мялаасан бол Сангийн яамны “Жуух бичиг”-ээр Аудитын дөрөвдүгээр газрын аудитор Б.Буянхишиг, Захиргаа, удирдлагын газрын Санхүү, хөрөнгө оруулалтын хэлтсийн Ахлах шинжээч Б.Цолмон нар тус тус шагнуулсан юм.
Салбарын эрхэм хүндтэй шагнал гардаж, амжилт бүтээлээ үнэлүүлсэн дээрх албан хаагчдадаа чин сэтгэлийн халуун баяр хүргэж, төрийн санхүүгийн удирдлагыг сайжруулж, улс орны эдийн засгийн тогтвортой хөгжлийг хангах үйлсэд нь амжилт хүсье.
