УИХ-ын дарга Г.Занданшатарын санаачилгаар “УИХ ба сэтгүүл зүй” сэдвийн хүрээнд цуврал сургалтуудыг хэвлэл мэдээллийн байгууллагын ажилтнуудад зохион байгуулж байна. Энэ удаагийн сургалтыг Үндэсний аудитын газар, Авлигатай тэмцэх газар, Санхүүгийн зохицуулах хороо, Төрийн албаны зөвлөлтэй хамтран зохион байгууллаа.
УИХ-ын дарга Г.Занданшатар “Үндсэн хууль ба засаглалын харилцан хяналт тэнцэл” сэдвийн хүрээнд сургалт хийсэн юм. Тэрбээр сэтгүүл зүйн салбар мэргэжлийн, ёс зүйтэй, баримт нотолгоонд суурилсан байж улмаар итгэл үнэмшил бүхий мэдээ мэдээллийг олон нийтэд хүргэх нь чухал болж байна. Хүний эрх, эрх чөлөөг хангахын тулд хууль тогтоох, гүйцэтгэх, шүүх эрх мэдэл зэрэгцэн оршиж байх ёстой. Энэхүү засаглалын үндсэн зарчмыг хангахад хэвлэл мэдээллийнхэн дөрөв дэх засаглалын үүргээ гүйцэтгэж хамтран ажиллахын чухлыг онцлов.
Энэ үеэр Үндэсний аудитын газрын Хөгжлийн бодлого, төлөвлөлтийн газрын захирал, тэргүүлэх аудитор Б.Бундхорол “УИХ-ын хяналт шалгалтыг хэрэгжүүлэхэд Төрийн аудитын байгууллагын үүрэг, хараат бус байдал, олон нийтийн оролцоо” сэдвээр илтгэл тавив. Илтгэлийнхээ агуулгыг сэтгүүлчид аудитын тайлан, мэдээллийг олон нийтэд хэрхэн ойлгомжтой хүргэх вэ гэдэгт чиглүүлж, энэ үеэрээ open.audit.mn сайтын үйл ажиллагааг эхлүүлж, олон нийтийн анхаарал татсан аудитын тайлан, мэдээг нийтэлдэг болохыг дурдлаа. “Нээлттэй аудит” портал сайт нь аудитын үйл ажиллагаанд иргэд, олон нийтийн оролцоог хангах, аудитын сэдэв сонгоход санал авах чухал ач холбогдолтой бөгөөд аудитаар өгсөн зөвлөмж, акт, албан шаардлагын хэрэгжилтийн биелэлтэд тавих хөндлөнгийн хяналтыг нэмэгдүүлэхийг зорьж байгаа гэдгийг тэрбээр илтгэлдээ онцоллоо.
“УИХ ба сэтгүүл зүй” сэдвийн хүрээнд зохион байгуулагдаж буй энэ удаагийн сургалтын зорилго нь УИХ-аар хэлэлцэж буй хуулийн төслүүдэд иргэдийн санаа бодлыг тусгахад, иргэдийн оролцоотой батлахад сэтгүүлчдийн мэдлэг, ойлголтыг нэмэгдүүлэхэд чиглэсэн гэдгийг зохион байгуулагчид дурдлаа.
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
