ХЭНТИЙ АЙМАГ ДАХЬ ТӨРИЙН АУДИТЫН ГАЗРЫН АУДИТОРЫН СУЛ ОРОН ТООГ НӨХӨХ СОНГОН ШАЛГАРУУЛАЛТЫН ЗАР

Төрийн аудитын тухай хуулийн 26 дугаар зүйлийн 26.1, Төрийн албаны тухай хуулийн 27.1.2, 27.1.3 дахь заалт, “Төрийн аудитын байгууллагын болон гүйцэтгэх албан тушаалын сул орон тоог нөхөх тусгай шалгалтын журам”ын 2.3.1, 2.3.2 дахь заалтыг тус тус үндэслэн Хэнтий аймаг дахь төрийн аудитын газрын аудиторын албан тушаалын сул орон тоог нөхөх сонгон шалгаруулалтыг зарлаж байна.

Нэг. Төрийн албаны тухай хуульд заасан нийтлэг шаардлага, бүрдүүлэх материалыг бүрэн ирүүлсэн албан хаагч, иргэнийг бүртгэнэ.

Монгол Улсын иргэн байх
Дээд боловсролтой байх
Эрүүгийн хуульд заасан авлига, албан тушаалын гэмт хэрэг үйлдэж шүүхээр ял шийтгүүлж байгаагүй
Сэтгэгцийн өвчин эмгэггүй
Хуулийн дагуу цэргийн жинхэн алба хаах үүрэг хүлээсэн иргэн үүргээ биелүүлсэн байх /эрэгтэй/
Төрийн байгууллагад ажиллаж байгаа төрийн жинхэнэ албан хаагч байна. Эсхүл төрийн албаны ерөнхий шалгалт өгч тэнцээд нөөцөд бүртгэгдсэн иргэн байна.
Албан тушаалын тодорхойлолтод заасан шаардлагыг бүрэн хангасан байх

Хоёр: Албан тушаалд тавигдах шаардлага

Зарлагдаж буй сул орон тоонд тухайн албан тушаалд тавигдсан боловсрол, мэргэжил, мэргэшил, туршлага, ур чадварын шаардлагыг хангасан, энэ албан тушаалд ажиллахыг хүссэн албан хаагч, иргэнийг бүртгүүлнэ.

Бакалавр ба түүнээс дээш боловсролын зэрэгтэй
Санхүү, эдийн засаг, нягтлан бодох бүртгэлийн мэргэжилтэй
Мэргэшсэн нятлан бодогч байх
Төрийн албанд мэргэшүүлэх эсхүл түүнтэй адилтгах сургалтад хамрагдаж төгссөн байх
Мэргэжлээрээ 2-оос доошгүй жил ажилласан байх
Дүн шинжилгээ хийх
Асуудал шийдвэрлэх
Багаар ажиллах
Бусад /төрийн албан хэрэг хөтлөлт, бичиг хэрэг, монгол хэл, найруулга зүй, англи хэл, эсхүл бусад гадаад хэлээр албан тушаалын чиг үүрэгт хамаарах мэдээллийг ашиглах, компьютерийн хэрэглээний программ, мэдээллийн орчин үеийн технологи ашиглах, үндэсний бичгийн хэлээр уншиж бичих, төрийн болон хувь хүний нууцыг хадгалах/чадвартай байх

Гурав. Цахимаар бүртгүүлэхдээ ирүүлэх баримт бичиг

Шалгалтад бүртгүүлэхээр бичгээр гаргасан хүсэлт
Төрийн албан хаагчийн анкет
Иргэний үнэмлэхний хуулбар
Боловсролын түвшинг тодорхойлсон баримт бичгийн хуулбар (диплом) Хэрэв гадаад улсад их, дээд сургууль төгссөн бол боловсролын баримт бичгийн баталгаат орчуулгыг хавсаргах
Мэргэшүүлэх сургалтад хамрагдсаныг гэрчлэх баримт бичгийн хуулбар
Нийгмийн даатгалын дэвтэр (Хөдөлмөрийн дэвтэр)-ийн хуулбар эсхүл цахим лавлагаа /e-mongolia-аас татан авах/
“4х6”-гийн хэмжээний цээж зураг
Хөгжлийн бэрхшээлтэй иргэний хувьд холбогдох баримт
Төрийн албаны ерөнхий шалгалтын дүнгийн хуудас
Төрийн албанд ажилласан жил тооцох, төрийн жинхэнэ албаны нөөцөд байгааг тогтоох зорилгоор албан тушаалд томилогдсон, чөлөөлөгдсөн тушаал, шийдвэрийн хуулбар
Төрийн жинхэнэ албан хаагчийн тангараг өргөсөн “Тангарагийн хуудас”-ын хуулбар
Төрийн албан хаагчийн үйл ажиллагааны үр дүн, мэргэшлийн түвшинг үнэлсэн илтгэх хуудас, төрийн жинхэнэ албан хаагчийн гүйцэтгэлийн төлөвлөгөөний сүүлийн гурван жилийн үнэлгээ
Иргэний эрүүгийн хариуцлага хүлээж байсан эсэх тухай тодорхойлолт /e-mongolia-аас татан авах/
Сүүлийн 1 жилийн дотор ёс зүйн хариуцлага, сахилгын шийтгэл хүлээгээгүйг нотлох бичиг баримт

Дөрөв. Сонгон шалгаруулалтад оролцох хүсэлтийг хүлээн авах ба бүртгэх

Хэнтий аймаг дахь Төрийн аудитын газар тухайн албан тушаалын сонгон шалгаруулалтад оролцох албан хаагч, иргэний хүсэлт, холбогдох баримт бичгийг 2022.11.03-ны өдрийн 09:00 цагаас 2022.11.14-ний өдрийн 17:30 цагт хүртэл цаасаар болон khentii@audit.gov.mn цахим хаягаар хүлээн авна.

Тав. Сонгон шалгаруулалтын хугацаа

Тусгай шалгалт зохион байгуулагдах хугацаа болон зөвлөгөө, зааварчилгааг цахимаар Үндэсний аудитын газраас зохион байгуулж, шаардлага хангаж бүртгэгдсэн иргэн, албан хаагчдад мэдэгдэнэ.

Холбоо барих утасны дугаар: 99775390, 92114113

ХЭНТИЙ АЙМАГ ДАХЬ ТӨРИЙН АУДИТЫН ГАЗАР