Хөвсгөл аймаг дахь Төрийн аудитын газар нь нэгдсэн удирдамжаар гүйцэтгэж буй “Орон нутгийн хөгжлийн сангийн 2023 оны бүрдүүлэлт, зарцуулалт үр дүн, үр нөлөө” гүйцэтгэлийн аудитын нээлтийг аймгийн иргэдийн Төлөөлөгчдийн Хурлын “Иргэний танхим”-д 2024 оны 05 дугаар сарын 27-ны өдөр зохион байгууллаа.
Хөвсгөл аймаг дахь Төрийн аудитын газрын аудитын менежер аудитын нээлтийн ерөнхий мэдээллийг өгөхийн сацуу дараах зүйлсийг аудитад хамрагдагч талд санамж болгон хэллээ.
- Орон нутгийн хөгжлийн сангийн хөрөнгийг холбогдох хууль журамд заасны дагуу төлөвлөж, бүрдүүлж, хуваарилсан эсэх;
- Орон нутгийн хөгжлийн сангийн хөрөнгөөр санхүүжүүлэх төсөл, арга хэмжээг журмын дагуу үр дүн, үр нөлөөтэй хэрэгжүүлсэн эсэх;
- Орон нутгийн хөгжлийн сангийн хөрөнгийн зарцуулалтыг хууль журмын дагуу хянаж, тайлагнасан эсэх асуудлыг тус тус хамруулах
- Өмнөх аудитаар өгсөн зөвлөмж, албан шаардлага биелэлтийг газар дээр нь үзэж танилцаж хэрэв зөрүүтэй бол авах арга хэмжээг шалгагдагч талд урьдчилан тус тус танилцууллаа.
Аудитын нээлтэд аймгийн иргэдийн Төлөөлөгчдийн Хурлын ажлын албаны дарга, аймгийн Засаг даргын тамгын газрын дарга, Санхүү төрийн сангийн хэлтэс, Хөрөнгө оруулалт, хөгжлийн бодлого төлөвлөлтийн хэлтэс, Хөвсгөл барилга захиалагчийн хяналтын төвийн төлөөллүүд танхимаар 23 сумын иргэдийн Төлөөлөгчийн Хурал, сумын Засаг даргын тамгын газар цахимаар оролцож аудитын нээлтэд нийт 50 гаруй албан хаагчид оролцлоо.
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
