Хөвсгөл аймаг дахь Төрийн аудитын газар нь нэгдсэн удирдамжаар гүйцэтгэж буй “Хүүхэд хамгааллын талаар төрөөс баримталж буй бодлого, түүний хэрэгжилт, үр дүн” гүйцэтгэлийн аудитын нээлтийг аймгийн иргэдийн Төлөөлөгчдийн Хурлын “Иргэний танхим”-д 2024 оны 09 дүгээр сарын 11-ний өдөр зохион байгууллаа.
Хөвсгөл аймаг дахь Төрийн аудитын газрын дарга, Тэргүүлэх аудитор аудитад хамрагдагч талд аудитын талаарх ерөнхий мэдээллийг танилцууллаа. Аудитын менежер Б.Тэгшдэлгэр, тус аудитыг ахалж буй ахлах аудитор Б.Давааням нар аудитын зорилго, зорилтыг дэлгэрэнгүй танилцуулж, аудитын явцад салбар дундын байгууллагууд шаардлагатай баримт материалыг хурдан шуурхай цахимаар болон цаасаар ирүүлэх талаар мэдэгдлээ.Үүнд:
- Хүүхэд хамгааллын талаар төрөөс баримталж буй бодлого, төлөвлөлтийн тогтолцоо оновчтой эсэх;
- Хүүхэд хамгааллын үйлчилгээний төлөвлөлт, төсөвлөлт үр өгөөжтэй, хүүхдэд ээлтэй байж чадсан эсэх;
- Хүүхэд хамгааллын талаар баримталж буй бодлогын хэрэгжилт үр дүнтэй эсэх.
Аудитын нээлтэд аймгийн Засаг даргын тамгын газрын Нийгмийн бодлогын хэлтэс, аймгийн Хүүхэд, гэр бүл хөгжил хамгааллын газар, Эрүүл мэндийн газар, Боловсролын газар, Цагдаагийн газар, Онцгой байдлын газар, Биеийн тамир, спортын газрын төлөөлөл оролцож харилцан санал солилцлоо.
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
