Монгол Улсын Ерөнхий аудиторын 2018 оны А/124 дүгээр тушаалаар баталсан Төрийн аудитын байгууллагаас санхүүгийн тайланд аудит хийх журмын 10.18-д “Төрийн аудитын байгууллага санхүүгийн тайлангийн аудит эхлэхийн өмнө аудитын нөхцөл, аудит хийх багийг үйлчлүүлэгчид танилцуулж, аудитыг албан ёсоор эхлүүлнэ” гэсний дагуу төсвийн шууд захирагчдын санхүүгийн тайлангийн аудитын нээлтийг 2024 оны 01 дүгээр сарын 18-ны өдрийн 11 цагт танхимаар болон цахимаар хийлээ.
Санхүүгийн тайлангийн аудитын нээлтийг дарга, Тэргүүлэх аудитор Ц.Хишигжаргал нээж, Аудитын менежер О.Амаржаргал Төрийн аудитын байгууллагаас санхүүгийн тайланд аудит хийх журмын 10.9-д заасны дагуу Монгол Улсын Ерөнхий аудиторын 2023 оны A/75 дугаар тушаалаар батлагдсан санхүүгийн тайланд аудит хийх хэлбэр, хуваарийг танилцуулав. Төрийн аудитын тухай хуулийн 8 дугаар зүйлийн 8.4-д “Санхүүгийн тайланд аудит хийх чиг үүргээ аудитын хуулийн этгээдээр гүйцэтгүүлж болно” гэж заасны дагуу сонгон шалгаруулалт явуулснаар “Релаэнс Секюритиз Аудит” ХХК, “Өлзийт Экаунт Аудит” ХХК, “Голден пэйж Аудит” ХХК шалгарч гэрээ байгуулан сумдын ЕБС, СӨБ, ЭМТ-ийн байгууллагуудын санхүүгийн тайланд аудит хийхээр болсон талаар танилцууллаа.
Аудитор нар нь санхүүгийн тайлангийн аудитад баримтлах бодлого, чиглэл, судалгаа, санхүүгийн тайланд анхаарах асуудлыг танилцууллаа.
