- Үндэсний Аудитын газар нь ҮАГ-20/015 дугаартай Улсын төсвөөс эргэн төлөгдөх нөхцөлтэй концессын “барих-шилжүүлэх” төрлөөр хэрэгжсэн “Оюутолгой-Цагаан суварга чиглэлийн 220 кв-ын хоёр хэлхээт цахилгаан дамжуулах агаарын шугам, дэд станц барих” төслийн зураг төсөл, төсөв болон ажлын гүйцэтгэлд дүгнэлт гаргахзорилгоор зөвлөх үйлчилгээний гэрээ байгуулах гэж байгаа тул зөвлөхийн үйлчилгээ үзүүлэх хүсэлтэй этгээдийг мэдүүлгээ ирүүлэхийг урьж байна.
- Энэхүү зөвлөх үйлчилгээ нь “Оюутолгой-Цагаан суварга чиглэлийн 220 кв-ын хоёр хэлхээт цахилгаан дамжуулах агаарын шугам, дэд станц барих” төслийн зураг төсөл, төсөв болон ажлын гүйцэтгэлд дүгнэлт гаргах болно.
- Мэдүүлгээ ирүүлж буй зөвлөх нь уг үйлчилгээг гүйцэтгэх чадвартайг нотлох дараах мэдээллийг ирүүлнэ. Тендерт оролцогч нь Санхүүгийн болон туршлагын дараах шаардлагыг хангасан байна.
Үүнд:
Борлуулалтын хэмжээ:
Сүүлийн 2 жилийн (2018, 2019 он) дундаж борлуулалтын орлогын хэмжээ нь тендерт санал болгож буй үнийн 50 хувиас багагүй байна.
Сүүлийн хоёр жилд хэрэгжүүлсэн ижил төстэй ажлын өртөг:
Сүүлийн 2 жил буюу 2018, 2019 оны аль нэг жилд тендерт санал болгож буй үнийн дүнгийн 30 хувиас багагүй үнийн дүнтэй ижил төстэй ажлыг доод тал нь нэг удаа гүйцэтгэсэн байх. /Магадлан экспорт хийсэн төслийн гэрээ, хүлээлгэж өгсөн батлагдсан нүүр хуудас буюу акт, тухайн ажлыг цаг хугацаанд нь чанартай хийж гүйцэтгэсэн захиалагчийн тодорхойлолт тус бүрийг хуулбарлан ирүүлнэ/.
Инженер, техникийн дараах ажилтнуудын мэдээлэл ирүүлнэ.
Шинжээчдийн баг нь дараах шаардлагыг хангасан боловсон хүчинтэй байна. Үүнд:
Цахилгааны инженер мэргэжилтэй:
- Цахилгаан дамжуулах агаарын шугам, эрчим хүчний барилга байгууламжийн угсралтын ажлын зураг төсөл боловсруулах чиглэлээр 10-аас доошгүй жил ажилласан, ажлын дадлага туршлагатай, мэргэшсэн инженер;
- Цахилгаан дамжуулах агаарын шугам, эрчим хүчний барилга байгууламжийн угсралтын чиглэлээр 10-аас доошгүй жил ажилласан ажлын дадлага туршлагатай, мэргэшсэн инженер;
- Цахилгаан дамжуулах агаарын шугам, эрчим хүчний барилга байгууламжийн /дэд станц/-ын барилга угсралтын ажлын төсөв боловсруулах, хянах, магадлал хийх эрхтэй, тэргүүлэх зэрэгтэй төсөвчин.
Релей хамгаалалтын инженер мэргэжилтэй:
- Цахилгаан дамжуулах агаарын шугам, эрчим хүчний барилга байгууламжийн релей хамгаалалтын чиглэлээр 10-аас доошгүй жил ажилласан, ажлын дадлага туршлагатай, мэргэшсэн инженер;
Шинжээчдийн баг нь дээрх шаардлагыг хангасан нийт 4 хүний бүрэлдэхүүнтэй байх бөгөөд /хуулийн этгээд, иргэний түншлэл эсвэл хуулийн этгээдийн түншлэл/ байж болно.
Хэрэв хуулийн этгээд бол Улсын бүртгэлийн гэрчилгээний эхээс хийсэн хуулбарыг ирүүлнэ.
Мэргэжлийн чиглэлийн 3-аас доошгүй норм нормативын баримт бичиг, стандарт /гарын авлага, зөвлөмж/ боловсруулсан, боловсруулахад хамтран оролцсон байх;
Өөрийн мэргэжлийн чиглэлийн норм, нормативын баримт бичгийн сантай байх, жагсаалтыг ирүүлэх;
Зөвлөх нь гүйцэтгэх хүсэлтэй “Оюутолгой-Цагаан суварга чиглэлийн 220 кв-ын хоёр хэлхээт цахилгаан дамжуулах агаарын шугам, дэд станц барих” төслийн зураг төсөл, төсөв болон ажлын гүйцэтгэлд оролцоогүй байх, тэр тухайгаа албан бичгээр батлан ирүүлнэ.
Тусгай зөвшөөрөл шаардлагатай бол тусгай зөвшөөрөл ирүүлэх эсэх:үгүй
Чадварыг нэмэгдүүлж сайжруулах зорилгоор зөвлөхүүд түншлэлийн хэлбэрээр оролцож болно.
- Мэдүүлгийг Цахим худалдан авах ажиллагааны систем (www.tender.gov.mn) хаягаар өөрийн ААН-ийн хувийн нууцлалын кодыг ашиглан нэвтэрч цахим хэлбэр (pdf)-ээр илгээнэ. Цахим систем ашиглан илгээх нийт файлын хэмжээ 100 Мb, нэг файлын хэмжээ 15 Mb байна.
Сонирхсон этгээд нэмэлт мэдээллийг 2020 оны 04 дүгээр сарын 09-ний өдрийн 09 цаг 30 минутаас эхлэн 2020 оны 04 дүгээр сарын 22-ны өдрийн 11 цаг 30 минут хүртэл авч болох бөгөөд мэдүүлгээ Төрийн худалдан авах ажиллагааны цахим систем www.tender.gov.mn-ээр 2020 оны 04 дүгээр сарын 22-ны өдрийн 11 цаг 40 минутын дотор ирүүлнэ үү.
15160 Улаанбаатар хот, Чингэлтэй дүүрэг, Бага тойруу-3, Засгийн газрын IV байр, 04 дүгээр давхар,
Үндэсний Аудитын газар,
Утас: 32 98 70
