ЗӨВЛӨХ ҮЙЛЧИЛГЭЭНИЙ ТУХАЙ ЗАРЛАЛ

Үндэсний Аудитын газар нь ҮАГ-20/012 дугаартай Улсын төсвөөс эргэн төлөгдөх нөхцөлтэй концессын “барих-шилжүүлэх” төрлөөр хэрэгжиж буй 300 ортой эмнэлэг болон 100 хүүхдийн цэцэрлэгийн зураг төсөл, төсөв болон ажлын гүйцэтгэлд дүгнэлт гаргах зорилгоор зөвлөх үйлчилгээний гэрээ байгуулах гэж байгаа тул зөвлөхийн үйлчилгээ үзүүлэх хүсэлтэй этгээдийг мэдүүлгээ ирүүлэхийг урьж байна. Багцтай:

Багц-1: Нийслэлийн Хан-Уул дүүрэгт баригдаж байгаа 300 ор бүхий төрөх эмнэлгийн барилгын ажлыг дуусган, дэд бүтэц барих төсөл

45 000 000 /дөчин таван сая/ төгрөг

Багц-2: Баянхонгор аймгийн Баянхонгор сумын 6 дугаар цэцэрлэгийн 100 хүүхдийн өргөтгөлийн барилга

2 500 000 /хоёр сая таван зуун мянга/ төгрөг

Энэхүү зөвлөх үйлчилгээ нь Улсын төсвөөс эргэн төлөгдөх нөхцөлтэй концессын “барих-шилжүүлэх” төрлөөр хэрэгжиж буй 300 ортой эмнэлэг болон 100 хүүхдийн цэцэрлэгийн зураг төсөл, төсөв болон ажлын гүйцэтгэлд дүгнэлт гаргах болно.
Мэдүүлгээ ирүүлж буй зөвлөх нь уг үйлчилгээг гүйцэтгэх чадвартайг нотлох дараах мэдээллийг ирүүлнэ. Тендерт оролцогч нь Санхүүгийн болон туршлагын дараах шаардлагыг хангасан байна.

Үүнд:

Борлуулалтын хэмжээ:

Сүүлийн 2 жилийн (2018, 2019 он)дундаж борлуулалтын орлогын хэмжээ нь тендерт санал болгож буй үнийн 50 хувиас багагүй байна.

Сүүлийн хоёр жилд хэрэгжүүлсэн ижил төстэй ажлын өртөг:

Сүүлийн 2 жил буюу 2018, 2019 оны аль нэг жилд тендерт санал болгож буй үнийн дүнгийн 30 хувиас багагүй үнийн дүнтэй ижил төстэй ажлыг доод тал нь нэг удаа гүйцэтгэсэн байх. /Магадлан эксперт хийсэн төслийн гэрээ, хүлээлгэж өгсөн батлагдсан нүүр хуудас буюу акт, тухайн ажлыг цаг хугацаанд нь чанартай хийж гүйцэтгэсэн захиалагчийн тодорхойлолт тус бүрийг хуулбарлан ирүүлнэ/.

Инженер, техникийн дараах ажилтнуудын мэдээлэл ирүүлнэ.

Барилгын салбарын зөвлөх инженер;
Барилга бүтээцийн мэргэжилтэн/эксперт;
Цахилгаан, дулаан, сантехникийн инженер;
Барилгын салбарын барилга, байгууламжийн зураг төсөл, төсөв зохиох мэргэжилтэн/эксперт, тэргүүлэх зэргийн төсөвчин зэрэг болно.

Барилгын тухай хуулийн 8 дугаар зүйлийн 8.3-т заасан шаардлагыг биелүүлсэн байх;

Шинжээчдийн баг дээрх шаардлагыг хангасан бүрэлдэхүүнтэй байх бөгөөд /хуулийн этгээд, иргэний түншлэл эсхүл хуулийн этгээдийн түншлэл/ байж болно.

Хэрэв хуулийн этгээд бол Улсын бүртгэлийн гэрчилгээний эхээс хийсэн хуулбарыг ирүүлнэ.

Өөрийн мэргэжлийн чиглэлийн норм, нормативын баримт бичгийн сантай байх, жагсаалтыг ирүүлэх.

Зөвлөх нь гүйцэтгэх “Нийслэлийн Хан-Уул дүүрэгт баригдаж байгаа 300 ор бүхий төрөх эмнэлгийн барилгын ажлыг дуусган, дэд бүтэц барих төсөл”, “Баянхонгор аймгийн Баянхонгор сумын 6 дугаар цэцэрлэгийн 100 хүүхдийн өргөтгөлийн барилга зөвлөх үйлчилгээний зураг төсөв, барилгын ажил”-д оролцоогүй байх, тэр тухайгаа албан бичгээр батлан ирүүлнэ.

Тусгай зөвшөөрөл шаардлагатай бол тусгай зөвшөөрөл ирүүлэх эсэх:үгүй

Чадварыг нэмэгдүүлж сайжруулах зорилгоор зөвлөхүүд түншлэлийн хэлбэрээр оролцож болно.

Мэдүүлгийг Цахим худалдан авах ажиллагааны систем (www.tender.gov.mn) хаягаар өөрийн ААН-ийн хувийн нууцлалын кодыг ашиглан нэвтэрч цахим хэлбэр (pdf)-ээр илгээнэ. Цахим систем ашиглан илгээх нийт файлын хэмжээ 100 Мb, нэг файлын хэмжээ 15 Mb байна.

Сонирхсон этгээд нэмэлт мэдээллийг 2020 оны 04 дүгээр сарын 09-ний өдрийн 10 цаг 00 минутаас эхлэн 2020 оны 04 дүгээр сарын 22-ны өдрийн 11 цаг 00 минут хүртэл авч болох бөгөөд мэдүүлгээ Төрийн худалдан авах ажиллагааны цахим систем www.tender.gov.mn-ээр 2020 оны 04 дүгээр сарын 22-ны өдрийн 11 цаг 20 минутын дотор ирүүлнэ үү.

15160 Улаанбаатар хот, Чингэлтэй дүүрэг, Бага тойруу-3, Засгийн газрын IV байр, 04 дүгээр давхар,

Үндэсний Аудитын газар,

Утас: 32 98 70

www.tender.gov.mn, www.audit.mn, www.barilga.gov.mn