Монгол Улсын Их Хурлын Төсвийн байнгын хорооны 2023 оны “Аудитын сэдэв батлах тухай” 08 дугаар тогтоолыг үндэслэн Үндэсний аудитын газрын нэгдсэн удирдамжаар гүйцэтгэх “Төрийн байгууллагын хүний нөөцийн бодлого, тогтолцооны үр нөлөө” гүйцэтгэлийн аудитын нээлтийг 2024 оны 09 дүгээр сарын 04-ний өдөр хийв.

Аудитын нээлтэд Баянхонгор аймаг дахь Төрийн албаны салбар зөвлөл, аймгийн ЗДТГ-ын Санхүү, төрийн сангийн хэлтэс, аймгийн Хөдөлмөр, халамж, үйлчилгээний газар, Үйлдвэрчний эвлэлийн төлөөллүүд оролцож, аудитаар анхаарах асуудал, хамтран ажиллах санал бодлыг солилцов.

Аудитаар Баянхонгор аймаг дахь Төрийн аудитын газар аймгийн Үйлдвэрчний эвлэлтэй хамтран төрийн албаны нийт албан хаагчдаас өргөдөл, гомдлыг авч асуудлыг шалгах, аймгийн Хөдөлмөр, халамж, үйлчилгээний газартай хамтран хөгжлийн бэрхшээлтэй иргэний хөдөлмөрлөх эрхийг ажлын байранд шалгахад хамтран ажиллахаар төлөвлөсөн болно.