УРИЛГА ХҮРГҮҮЛЭХ ТУХАЙ
Төсөвт байгууллагын 2024 оны жилийн эцсийн санхүүгийн тайланд аудит хийх аудитын хуулийн этгээдийг сонгон шалгаруулж, гэрээ байгуулахаар төлөвлөж байгаа тул сонгон шалгаруулалтад оролцох аудитын хуулийн этгээдийг саналаа ирүүлэхийг урьж байна.
Гүйцэтгэгч нь шалгагдагч этгээдийн бэлтгэсэн 2024 оны санхүүгийн тайланг Нягтлан бодох бүртгэлийн тухай хууль, Аудитын олон улсын стандарт (АОУС), Аудитын дээд байгууллагын олон улсын стандарт (АДБОУС), Санхүүгийн тайлагналын олон улсын стандарт (СТОУС), Нягтлан бодох бүртгэлийн олон улсын стандарт (НББОУС), Монгол Улсын Ерөнхий аудиторын баталсан заавар, журам болон тэдгээрт нийцүүлэн эрх бүхий байгууллагаас гаргасан нягтлан бодох бүртгэл, тайлагналын холбогдох заавар, журамд нийцүүлэн үнэн зөв гаргасан эсэх талаар дүгнэлт гаргаж баталгаажуулах ажлыг гүйцэтгэнэ.
| Багц 1 Сумдын эрүүл мэндийн төв, аймгийн Биеийн тамир спортын газар, Политехник коллеж, Бор-Өндөр МСҮТ, Хүүхэд, гэр бүлийн хөгжил, хамгааллын газар зэрэг төсвийн шууд захирагч 20 байгууллагын 2024 оны жилийн эцсийн санхүүгийн тайланд аудит хийх |
| Төсөвт өртөг: 25,725,600 / хорин таван сая долоон зуун хорин таван мянга зургаан зуун / төгрөг |
Аудитыг гүйцэтгэгч нь дараах шаардлагыг хангасан байна. Yүнд:
- Гүйцэтгэгч нь аудитын үйлчилгээ үзүүлэх тусгай зөвшөөрөлтэй байх;
- Аудиторууд нь мэргэжлийн ёс зүйн зөрчилгүй байх;
- Үйл ажиллагаа явуулах боломжтой ажлын байр, техник хэрэгсэлтэй байх;
- Аудитын багийн гишүүд нь шалгагдагч этгээдийн аль нэг албан тушаалтантай садан төрөл, бусад байдлаар хамааралгүй байх ;
Ажиллах хүчний шаардлага:
- Дөрвөөс доошгүй үндсэн орон тооны, хугацаагүй эрхтэй мэргэшсэн нягтлан бодогчтой байх;
- Хууль эрх зүйн асуудал хариуцсан албан тушаалтантай байх ;
- Аудитын байгууллагад ажилладаг мэргэшсэн нягтлан бодогч өөр байгууллагад давхар ажил эрхэлдэггүй, бусад аудитын хуулийн этгээдэд гэрээгээр ажилладаггүй байх;
Сонгон шалгаруулалтын дэлгэрэнгүй жагсаалтад материалаа ирүүлэх аудитын хуулийн этгээд дээр тавигдсан шаардлагыг хангасан байх ба дараах материалыг бүрдүүлэн ирүүлэх шаардлагатай. Үүнд:
- Сонгон шалгаруулалтад оролцохоо илэрхийлсэн албан бичиг
- Улсын бүртгэлийн гэрчилгээний хуулбар
- Татварын тодорхойлолт /хугацаа хэтэрсэн өр төлбөргүй байх, цахим сайтаас гаргасан QR кодтой/
- Нийгмийн даатгалын тодорхойлолт /хугацаа хэтэрсэн өр төлбөргүй байх, цахим сайтаас гаргасан QR кодтой/
- ШШГЕГ-ын хугацаа хэтэрсэн өр төлбөргүй талаарх тодорхойлолт /Цахим сайтаас гаргасан бол QR кодтой/
- ММНБИ-ын тодорхойлолт
- Гүйцэтгэсэн адил төстэй үйлчилгээний мэдээлэл /2021, 2022, 2023 он/
- Үндсэн ажилтны анкет, боловсрол, мэргэшлийн гэрчилгээний хуулбар
- Үндсэн ажилтны нийгмийн даатгалын цахим лавлагаа /сүүлийн 1 жилээр/
- Санхүүгийн тайлан /2022, 2023 он/
Сонирхсон этгээд нь мэдээллээ боловсруулж 2024 оны 11 дүгээр сарын 01-ний өдрийн 23 цаг 59 минутаас өмнө Khentii@audit.gov.mn хаягаар ирүүлнэ үү. Саналыг цахим pdf файлаар нэгтгэн ирүүлнэ.
Хүлээн авах хаяг: Хэнтий аймаг дахь Төрийн аудитын газар, Хэнтий аймгийн ЗДТГ-ын байр 3 давхар 316 тоот өрөө
Цахим хаяг: Khentii@audit.gov.mn
Холбоо барих утас: 99775390
