ЗӨВЛӨХИЙН ТЕНДЕРИЙН УРИЛГА
Үндэсний Аудитын газар нь “Монгол банкнаас “Үнэ тогтворжуулах хөтөлбөр”-ийн хүрээнд хэрэгжүүлсэн “Шатахууны жижиглэнгийн худалдааны үнийг тогтворжуулах дэд хөтөлбөр”-ийн үр дүнд хийх гүйцэтгэлийн аудитад мэргэжлийн туслалцаа үзүүлэх”зөвлөх үйлчилгээний ажлыг гүйцэтгэх тухай үнийн саналаа ирүүлэхийг урьж байна.
Зөвлөх нь “Шатахууны жижиглэнгийн худалдааны үнийг тогтворжуулах дэд хөтөлбөр”-ийг хэрэгжүүлэхээс өмнөх үеийн болон хэрэгжүүлсний дараах үеийн макро эдийн засгийн үзүүлэлтэд судалгаа, шинжилгээ хийж, 2016-2018 онуудад хөтөлбөрийн үр нөлөө байгаа эсэхэд үнэлэлт өгч, аудитын багт мэргэжлийн дэмжлэг, туслалцаа үзүүлж, хамтран ажиллана.
Ажлын даалгаварт заасан зорилго, зорилтын хүрээнд мэргэжлийн зөвлөгөө өгөх, дүгнэлт гаргах зөвлөх нь “Үнэ тогтворжуулах хөтөлбөр”, олон улсын чиг хандлагын талаар өргөн мэдлэгтэй, зохих мэдээллийн сан бүрдүүлсэн, судалгааны болон ажлын дадлага, туршлагатай, магистр ба түүнээс дээш зэрэгтэй, макро эдийн засаг, төсөв, санхүү, бизнес, гэрээ хэлцлийн талаар зохих мэдлэгтэй, судалгаа, шинжилгээ тооцоолол, дүгнэлт гаргах чадвартай иргэн байна.
Тавигдах шаардлага болон ажлын туршлагын хүрээнд зөвлөх нь дараах шаардлагыг хангасан байна. Үүнд:
- Санхүү, эдийн засгийн чиглэлээр боловсрол эзэмшсэн, магистраас дээш зэрэгтэй,
- Дээрх чиглэлээр зөвлөх үйлчилгээ үзүүлж байсан ажлын туршлагатай,
- Судалгаа тайлан бичих ажлын туршлагатай,
- Багаар ажиллах чадвартай,
Ажлын даалгаврыг хавсаргасан болно.
Сонирхсон этгээд үнийн санал болон тавигдах шаардлагыг хангасан нотлох баримтын хамт 2019 оны 04 дүгээр сарын 10-ны өдрийн 17 цаг 30 минутаас өмнө доорх хаягаар ирүүлнэ.
Улаанбаатар хот, Чингэлтэй дүүрэг, Бага тойруу-3,
Засгийн газрын IV байр, 3 дугаар давхар,Тамгын газар, 303 тоот
Эд хариуцагч бөгөөд худалдан авалт
хариуцсан мэргэжилтэн Э.Дөлгөөн
Утас: 11329870
