Төрийн аудитын тухай хуулийн 6 дугаар зүйлийн 6.3.1, 11 дүгээр зүйлийн 11.1, 11.5 дахь зүйл, Монгол Улсын Ерөнхий аудиторын 2024 оны А/108 дугаар тушаалаар баталсан Нийслэл дэх Төрийн аудитын газрын 2025 онд гүйцэтгэх аудитын сэдвийг үндэслэн дээрх аудитуудын нээлтийг 2025 оны 1 дүгээр сарын 29-ний өдөр хийлээ.
Аудитын нээлтэд Нийслэл дэх Төрийн аудитын газрын дэд дарга Ч.Болд, Гүйцэтгэл-нийцлийн аудитын хэлтсийн дарга, аудитын менежер, аудитын баг, Нийслэлийн Засаг даргын Тамгын газрын даргын албан үүргийг түр орлон гүйцэтгэгч Д.Амгалан, Санхүү, төрийн сангийн хэлтсийн дарга Л.Эрдэнэбадрах, Хөрөнгө оруулалтын хэлтсийн дарга Б.Гантулга болон Нийслэлийн Худалдан авах ажиллагааны газар, Нийслэлийн Хөрөнгө оруулалтын газар, Нийслэлийн Замын хөгжлийн газар, Нийслэлийн Нийтийн тээврийн бодлогын газруудын удирдлагууд оролцлоо.
Дээрх байгууллагуудад аудитын зорилт, хамрах хүрээ, төлөвлөгөө хөтөлбөрийг танилцууллаа. Аудитаар улс, нийслэлийн төсвийн хөрөнгө оруулалтаар 2024 онд хэрэгжүүлсэн төсөл арга хэмжээний төлөвлөлт, худалдан авалт, гэрээний хэрэгжилт, санхүүжилт, төсөл, арга хэмжээний хэрэгжилтийг хамруулахаар төлөвлөсөн.
ГҮЙЦЭТГЭЛ-НИЙЦЛИЙН АУДИТЫН ХЭЛТЭС
