Төрийн аудитын тухай хуулийн 6 дугаар зүйлийн 6.3.1, 11 дүгээр зүйлийн 11.1, 11.5 дахь зүйл, Монгол Улсын Ерөнхий аудиторын 2024 оны А/108 дугаар тушаалаар баталсан Нийслэл дэх Төрийн аудитын газрын 2025 онд гүйцэтгэх аудитын сэдвийг үндэслэн аудитын нээлтийг 2025 оны 1 дүгээр сарын 29-ний өдөр хийлээ.
Аудитын нээлтэд Нийслэл дэх Төрийн аудитын газрын дэд дарга Ч.Болд, Гүйцэтгэл-нийцлийн аудитын хэлтсийн дарга, аудитын менежер, аудитын баг, дүүргүүдийн Засаг даргын Тамгын газрын дарга, Санхүү төрийн сангийн хэлтсийн болон Худалдан авах ажиллагааны газрын дарга нар оролцлоо.
Дээрх байгууллагуудад аудитын зорилт, хамрах хүрээ, төлөвлөгөө хөтөлбөрийг талаар танилцууллаа. Аудитаар дүүргүүдийн төсвийн 2024 оны хөрөнгө оруулалтаар хэрэгжүүлсэн төсөл арга хэмжээний төлөвлөлт, худалдан авалт, гэрээний хэрэгжилт, санхүүжилт, төсөл, арга хэмжээний хэрэгжилтийг хамруулахаар төлөвлөсөн.
ГҮЙЦЭТГЭЛ-НИЙЦЛИЙН АУДИТЫН ХЭЛТЭС
