Төв аймаг дахь Төрийн аудитын газар нь Аймаг, нийслэл, сум дүүргийн иргэдийн төлөөлөгчдийн хурлын сонгуулийн тухай хуулийн 37 дугаар зүйлийн 37.5-д заасан “Нам, эвсэл болон бие даан нэр дэвшигчийн сонгуулийн мөрийн хөтөлбөрт орсон зорилт, арга хэмжээ нь Монгол Улсын хөгжлийн үзэл баримтлалд нийцсэн эсэх болон санхүүгийн тодорхой эх үүсвэр шаардсан арга хэмжээг хэрэгжүүлэхэд шаардагдах зардлын дүн нь Төсвийн тогтвортой байдлын тухай хуульд заасан төсвийн тусгай шаардлагад нийцэж байгаа эсэх”-ийг хянаж дүгнэлт гаргах аудитын бэлтгэл ханган ажиллаж байна. Аймаг, нийслэл, сум дүүргийн иргэдийн төлөөлөгчдийн хурлын сонгуулийн тухай хуулийн 37 дугаар зүйлийн 37.6-д “Нам, эвсэл нь орон нутгийн Хурлын ээлжит сонгуулийн жилийн 06 дугаар сарын 25-ны өдрөөс өмнө сонгуулийн мөрийн хөтөлбөртөө дүгнэлт гаргуулахаар төрийн аудитын орон нутаг дахь салбар байгууллагад хүргүүлнэ.” гэж заасан. Нам эвслээс мөрийн хөтөлбөр ирүүлэх хугацаа 06 дугаар сарын 24-ний өдрөөр дуусгавар болно. Иймд Төв аймгийн “Аймаг, сумын ИТХ-ын хурлын сонгуульд оролцох нам эвсэл” нь орон нутгийн сонгуульд оролцох мөрийн хөтөлбөрийг Төв аймаг дахь Төрийн аудитын газар /Төр захиргааны 2 дугаар байр 106 тоот өрөө ахлах аудитор Л.Жаргалсайхан/-т ирүүлнэ үү. Холбогдох мэдээллийг ЭНД дарж үзнэ үү.
Холбоо барих утас 70273465
ТӨВ АЙМАГ ДАХЬ ТӨРИЙН АУДИТЫН ГАЗАР
