АЙМАГ, СУМЫН ИТХ-ЫН СОНГУУЛЬД ОРОЛЦОХ УЛС ТӨРИЙН НАМ ЭВСЛИЙН ХАНДИВЫН ТАЙЛАН, СОНГУУЛИЙН МӨРИЙН ХӨТӨЛБӨРИЙГ ХҮЛЭЭН АВЛАА.

Төв аймаг дахь Төрийн аудитын газар нь аймаг, нийслэл, сум дүүргийн иргэдийн төлөөлөгчдийн хурлын сонгуулийн тухай хуулийн 37 дугаар зүйлийн 37.6-д “Нам, эвсэл нь орон нутгийн Хурлын ээлжит сонгуулийн жилийн 06 дугаар сарын 25-ны өдрөөс өмнө сонгуулийн мөрийн хөтөлбөртөө дүгнэлт гаргуулахаар төрийн аудитын орон нутаг дахь салбар байгууллагад хүргүүлнэ” гэж заасны дагуу 2020 оны 6 дугаар сарын 24-ний өдөр орон нутгийн сонгуульд оролцох улс төрийн намуудын хандивын тайлан, сонгуулийн мөрийн хөтөлбөрийг хүлээн авлаа.

Аймаг, сумын ИТХ-ын 2020 оны ээлжит сонгуульд оролцохоор 10 нам “2020-2024 онд хэрэгжүүлэх мөрийн хөтөлбөр”-өө ирүүлснийг “Улс төрийн нам эвсэл, бие даан нэр дэвшигчийн сонгуулийн мөрийн хөтөлбөрт аудит хийх, дүгнэлт гаргахад мэдээллийг нууцлах, хамгаалах журам”-ын дагуу бүртгэлийг хийж, аудиторууд 2020 оны 06 сарын 25-ны өдрийн 02 цаг хүртэл ажиллав.