ТӨСВИЙН ЕРӨНХИЙЛӨН ЗАХИРАГЧИЙН 2019 ОНЫ САНХҮҮГИЙН НЭГТГЭСЭН ТАЙЛАН, ТӨСВИЙН ГҮЙЦЭТГЭЛД ХИЙСЭН АУДИТЫН ТАЙЛАН ДҮНГ ХЭЛЭЛЦҮҮЛЛЭЭ

Төв аймгийн ИТХ-ын Тэргүүлэгчдийн ээлжит 9 дүгээр хуралдаан 2020.06.26-ны өдөр хуралдаанаар аймгийн Төсвийн ерөнхийлөн захирагчийн 2019 оны санхүүгийн нэгтгэсэн тайлан, төсвийн гүйцэтгэлд хийсэн аудитын тайлан дүнг танилцуулан хэлэлцүүллээ.

Төсвийн ерөнхийлөн захирагчийн санхүүгийн нэгтгэсэн тайланд 331 санхүүгийн тайлангаас 10 шууд захирагчийн санхүүгийн тайланд итгэл үзүүлж, төсвийн байгууллага, сангуудын 165 тайланг түүвэрт хамруулан, 155 байгууллагад бие дааж санал дүгнэлт гаргаснаас 16 байгууллага хязгаарлалттай санал дүгнэлт, 1 байгууллагад “татгалзсан”, 1 байгууллагад “Сөрөг” санал дүгнэлт өгч бусад 137 байгууллагад зөрчилгүй дүгнэлт өгсөн байна.

Төв аймгийн төсөв захирагчдын 2019 оны санхүүгийн нэгтгэсэн тайлан, төсвийн гүйцэтгэлд хийсэн аудитаар нийт 25,150.6 сая төгрөгийн алдаа, зөрчил илрүүлсэн нь өмнөх оноос 13,123.8 сая төгрөгөөр буюу 34,3 хувиар буурсан эерэг үзүүлэлттэй байна.

Төв аймгийн 2019 оны төсвийн орлого, эх үүсвэр батлагдсан төлөвлөгөөгөөр 85,241.6 сая төгрөг, гүйцэтгэлээр 88,544.1 сая төгрөг төвлөрч, 103,9%-ийн биелэлттэй байна.

ТЕЗ-ийн төсвийн гүйцэтгэлийн тайлангаар нийт зарлага батлагдсан төлөвлөгөөгөөр 85,241.6 сая төгрөг, гүйцэтгэлээр 81,195.0 сая төгрөгийг зарцуулж, биелэлт 95.25% буюу 4,046.6 сая төгрөгөөр хэмнэгдсэн байна.

Мөн хуралдаанд Орон нутгийн хөрөнгө оруулалтын үр дүн, Улсын төсвийн хөрөнгө оруулалтын үр дүн гүйцэтгэлийн аудитын дүнг танилцууллаа .