“Орон нутгийн 2020 оны ээлжит сонгуульд оролцох улс төрийн нам эвсэл, бие даан нэр дэвшигчдийн сонгуулийн мөрийн хөтөлбөр, эдийн засгийн тооцоо судалгаанд дүгнэлт гаргах” аудитыг батлагдсан төлөвлөгөөний дагуу гүйцэтгэж байна. Үүнд:
- Аймаг, сумын ИТХ-ын 2020 оны ээлжит сонгуульд оролцохоор улс төрийн 10 нам мөрийн хөтөлбөрөө ирүүлснээс, 7 намын мөрийн хөтөлбөр хуульд заасан шаардлагыг хангасан талаарх дүгнэлт гаргаж, 2 намын мөрийн хөтөлбөрт нийцсэн дүгнэлт гаргах боломжгүй талаар мэдэгдээд байна. Харин 1 нам сонгуульд оролцохгүй болсноо албан ёсоор мэдэгдсэн байна.
- Аймаг, нийслэл, сум дүүргийн иргэдийн Төлөөлөгчдийн Хурлын сонгуулийн тухай хуулийн 37 дугаар зүйлийн 37.5-д “…бие даан нэр дэвшигчийн сонгуулийн мөрийн хөтөлбөрт орсон зорилт, арга хэмжээ нь Монгол Улсын хөгжлийн үзэл баримтлалд нийцсэн эсэх болон санхүүгийн тодорхой эх үүсвэр шаардсан арга хэмжээг хэрэгжүүлэхэд шаардагдах зардлын дүн нь Төсвийн тогтвортой байдлын тухай хуульд заасан төсвийн тусгай шаардлагад нийцэж байгаа эсэх”-ийг хянаж дүгнэлт гаргах аудитын хүрээнд бие даан нэр дэвшигчийн мөрийн хөтөлбөрийг хүлээн авах бэлтгэл хангагдаад байна.
