2020 оны 11-р сарын 02-ны өдөр www.newstv.mn сайтад “Ерөнхий аудитор Б.Занданбат олон зуун сая төгрөгийг онгоцны тийз худалдаж авахад зарлагаджээ” гэсэн гарчигтай мэдээлэл нийтлэгдсэн. Уг нийтлэлд “Үндэсний аудитын газрын шилэн дансанд бичигдсэн мэдээллээс харвал 2019 оны дөрөвдүгээр сараас хойш өнөөг хүртэлх хугацаанд гадаад томилолтод чамлахааргүй их мөнгийг зарцуулжээ. Тухайлбал, 2019 оны 4-р сарын 18-ний өдөр Аэр маркет ХХК-ийн Худалдаа хөгжлийн банк дахь 456005272 тоот данс руу Үндэсний аудитын газраас 90 сая 375 мянган төгрөгийг онгоцны тийз гэсэн утгатайгаар шилжүүлжээ” гэж дурдсан байх бөгөөд төлбөрийн хүсэлт болох санхүүгийн баримтыг хавсаргасан байна.
Дээрх мэдээллийг шилэн дансны нэгдсэн цахим хуудаснаас шууд татаж авч, дүн шинжилгээ хийж нягтлалгүй олон нийтэд ташаа мэдээлэл өгсөнд залруулга, тайлбар хийж байна.
1. Монгол Улсын Ерөнхий аудитор Д.Занданбат 2019 оны 5-р сарын 09-ны өдөр томилогдсон бөгөөд дээрх зардалтай огт хамааралгүй болно.
2. “Аэр маркет” ХХК руу шилжүүлсэн 153,474,088 төгрөг болон 90,375,600 төгрөг нь Үндэсний аудитын газраас 2 жилд нэг удаа Элчин сайдын яам, Ерөнхий консулын газар, Дипломат төлөөлөгчийн газруудад хийдэг аудитын шалгалтын замын болон албан томилолтын зардал юм. Нийт 26 улсад 27 аудитор очиж ажилласан бөгөөд холбогдох баримтыг доор үзүүлэв.
Шилэн дансны тухай хуульд зааснаар төсвийн мөнгийг ямар нэгэн байдлаар зориулалт бусаар зарцуулсан байна гэж хардаж байвал аудитын байгууллагад гомдол, хүсэлт гаргах зохицуулалт бий. ҮАГ үүнд хяналт тавьж, холбогдох хууль тогтоомжийн дагуу дүгнэлтээ гаргаад олон нийтэд мэдээлэх эрх зүйн зохицуулалттай.
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
