Архангай аймаг дахь Төрийн аудитын газар нь Төсвийн тухай хуулийн 8 дугаар зүйлийн 8.9.1 дахь заалт, Төрийн аудитын тухай хуулийн 8 дугаар зүйлийн 8.4, 8.7 дахь заалтыг тус тус үндэслэн төсвийн шууд захирагчийн 2020 оны 12 дугаар сарын 31-нээр дуусвар болсон санхүүгийн тайланд аудит хийж гүйцэтгүүлэх зорилгоор гэрээгээр ажиллах хувь хүнийг сонгон шалгаруулж, гэрээ байгуулахаар төлөвлөж байгаа тул оролцох хүсэлтэй хувь хүнийг мэдээллээ ирүүлэхийг урьж байна.
Санхүүгийн тайлангийн аудитыг гэрээний үндсэн дээр гүйцэтгэх хувь хүн нь багц I-26, багц II-26-т хамаарах төсвийн шууд захирагчийн бэлтгэсэн 2020 оны санхүүгийн тайланг УСНББОУС болон тэдгээрт нийцүүлэн эрх бүхий байгууллагаас гаргасан нягтлан бодох бүртгэл, тайлагналын холбогдох заавар, журамд нийцүүлэн үнэн зөв гаргасан эсэхийг хянаж, хэсэгчлэн аудит хийх /түүвэрт хамруулах/ ажлыг гүйцэтгэнэ. Аудитыг Төсвийн тухай хуулийн 8 дугаар зүйлийн 8.9.1-д заасан цаглабарт хугацаанд багтаан төрийн аудитын байгууллагын хянан удирдах ажилтнуудаар хянуулсан аудитын төлөвлөгөө, хөтөлбөрийн дагуу хэрэгжүүлнэ.
Мэдүүлгээ ирүүлж буй хувь хүн нь дараах материалыг цахимаар ирүүлнэ. Үүнд:
• Иргэний үнэмлэхийн хуулбар;
• Анкет/CV/;
• Боловсрол, мэргэжлийн гэрчилгээний хуулбар;
• Гүйцэтгэсэн адил төсөөтэй зөвлөх үйлчилгээний мэдээлэл /сүүлийн 3 жилээр/;
• Багийн хувьд гишүүдийн хамтран ажиллах гэрээ /нотариатаар баталгаажуулсан/
Сонирхсон этгээдийн нэмэлт мэдээллийг 2020 оны 11 дүгээр сарын 25-ны өдрийн 09:00 цагаас 2020 оны 11 дүгээр сарын 30-ны өдрийн 18:00 цагийн хооронд авах бөгөөд материалаа дор дурдсан хаягаар 2020 оны 11 дүгээр сарын 30-ны өдрийн 18:00 цагийн дотор arkhangai@audit.gov.mn хаягаар цахим хэлбэрээр ирүүлнэ үү.
Холбоо барих утас: 9944-1900, 9933-8611
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
