ДАРХАН-УУЛ АЙМАГ ДАХЬ
ТӨРИЙН АУДИТЫН ГАЗРЫН 2020 ОНЫ
ҮЙЛ АЖИЛЛАГААНЫ ҮЗҮҮЛЭЛТ
Манай хамт олон 2020 онд Төрийн аудитын байгууллагын бодлогоор болон нийгмийн захиалгаар гүйцэтгэхээр Үндэсний аудитын газрын нэгдсэн төлөвлөгөөнд тусгагдсан 2019 оны санхүүгийн тайланг баталгаажуулах 179, гүйцэтгэлийн 8, нийцлийн 7, нийт 194 аудитыг хийж, гүйцэтгэсэн байна.
Тайлант хугацаанд нийт 92,139.8 сая төгрөгийн алдаа, зөрчил илрүүлснээс 73,679.1 сая төгрөгийн алдааг аудитын явцад залруулж, 142.0 сая төгрөгийн зөрчилд 77 төлбөрийн акт тогтоож, 2,098.4 сая төгрөгийн зөрчлийг арилгуулах 59 албан шаардлага хүргүүлж, цаашид үйл ажиллагаандаа мөрдөж ажиллах 16,220.3 сая төгрөгийн зөвлөмж өгч ажилласан байна.
Тайлант хугацаанд өмнөх оны үлдэгдэл 52.9 сая төгрөгийн 18, тайлант оны 112.2 сая төгрөгийн 69 төлбөрийн акт бүрэн барагдаж, нийт 165.1 сая төгрөг төсөвт оруулж, 206 хүн 1088 өдөр, 932 цаг илүү ажилласан байна.
Аудитаар илэрсэн зөрчил дутагдалд 2,098.4 сая төгрөгийн албан шаардлага өгснөөс 1,731.9 сая төгрөгийн 34 албан шаардлагыг хэрэгжүүлж ажиллаа. Өмнөх оны үлдэгдэл 2,752.0 сая төгрөгийн 27 албан шаардлагыг бүрэн нь хэрэгжүүлсэн.
Аудитын нийт илрүүлэлт өмнөх оны мөн үетэй харьцуулахад 57,465.0 сая төгрөг буюу 165.7 хувиар, үүнээс төлбөрийн акт 54.9 сая буюу 63.0 хувиар, цаашид үйл ажиллагаандаа хэрэгжүүлж ажиллахаар өгсөн зөвлөмж 7,562.1 сая төгрөг буюу 87.3 хувиар тус тус өссөн байна.
Тайлант хугацаанд хүлээн зөвшөөрүүлсэн санхүүгийн 206, санхүүгийн бус 122, нийт 10,966.6 сая төгрөгийн үр өгөөжийг хүлээн зөвшөөрүүлэн бүртгэж, нийт 16,220.3 сая төгрөгийн 472 зөвлөмж өгснөөс 16,219.2 сая төгрөгийн 438 зөвлөмж хэрэгжжээ.
Манай хамт олон улсаас авсан 1 төгрөгийн санхүүжилтэд 197.2 төгрөгийн бүтээгдэхүүн нийлүүлсэн ба 1 төгрөгт ногдох үр өгөөж 23.5 төгрөг болсон байна.
ХАМТ ОЛОНДОО БАЯР ХҮРГЭЕ
ИЛҮҮ ИХ АМЖИЛТЫГ ХҮСЬЕ
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
