ТӨСВИЙН ШУУД ЗАХИРАГЧДЫН САНХҮҮГИЙН ТАЙЛАНГИЙН АУДИТЫН НЭЭЛТИЙГ ЦАХИМААР ХИЙЛЭЭ.
Монгол Улсын Ерөнхий аудиторын 2018 оны А/124 дүгээр тушаалаар баталсан Төрийн аудитын байгууллагаас санхүүгийн тайланд аудит хийх журмын 10.18-д “Төрийн аудитын байгууллага санхүүгийн тайлангийн аудит эхлэхийн өмнө аудитын нөхцөл, аудит хийх багийг үйлчлүүлэгчид танилцуулж, аудитыг албан ёсоор эхлүүлнэ” гэсний дагуу төсвийн шууд захирагчдын санхүүгийн тайлангийн аудитын нээлтийг 2021 оны 01 дүгээр сарын 20-ны өдрийн 16 цагт цахимаар хийлээ.
Санхүүгийн тайлангийн аудитын нээлтийг дарга, Тэргүүлэх аудитор Ц.Хишигжаргал нээж, энэ жилийн хувьд санхүүгийн тайлангийн аудитын онцлог нь Ковид-19 цар тахлын хөл хориотой цаг үед хийгдэж байгаа тул сумдын нягтлан бодогчдыг олон удаа ирүүлэхгүй байх, халдвар хамгааллын дэглэмийг сайн баримтлах, улсын болон аймгийн онцгой комиссын шийдвэрийг баримталж, аль болох цахимаар itranet.gov.mn сайтыг ашиглан гүйцэтгэх болно. Мөн төсөв захирагч нарт санхүүгийн ажиллагсдыг аудитын хугацаанд эргүүл, жижүүрт гаргахгүй байх талаар анхаарч ажиллахыг зөвлөлөө.
Аудитын менежер О.Амаржаргал Төрийн аудитын байгууллагаас санхүүгийн тайланд аудит хийх журмын 10.9-д заасны дагуу Монгол Улсын Ерөнхий аудиторын 2020 оны A/64 дүгээр тушаалаар батлагдсан санхүүгийн тайланд аудит хийх хэлбэр, хуваарийг танилцуулав. Төрийн аудитын тухай хуулийн 8 дугаар зүйлийн 8.4-д “Санхүүгийн тайланд аудит хийх чиг үүргээ аудитын хуулийн этгээдээр гүйцэтгүүлж болно” гэж заасны дагуу сонгон шалгаруулалт явуулснаар “Их монгол аудит ХХК”, “Дунд манхайдай аудит” ХХК, “Бодь тусгал аудит” ХХК шалгарч гэрээ байгуулан сумдын ЕБС, СӨБ, ТБОНӨААН байгууллагуудын санхүүгийн тайланд аудит хийхээр болсон талаар танилцууллаа.
Ахлах аудитор Т.Майцэцэг, аудитор Ц.Саранчимэг нар нь санхүүгийн тайлангийн аудитад баримтлах бодлого, чиглэл, судалгаа, санхүүгийн тайланд анхаарах асуудлыг танилцууллаа.
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
