Монгол Улсын Ерөнхий аудиторын 2021 оны А/28 дугаар тушаалаар батлагдсан төлөвлөгөөг үндэслэн Төрийн аудитын тухай хуулийн 6 дугаар зүйлийн 6.3-д заасан бүрэн эрхийн хүрээнд “Улсын төсвийн 2020 оны хөрөнгө оруулалтын төлөвлөгөөний хэрэгжилт үр дүн, үр ашиг”-д хийх гүйцэтгэлийн аудитын нээлт 2021 оны 03 дугаар сарын 23-ний өдөр боллоо.
Аудитын нээлтэд Орхон аймгийн Засаг даргын Тамгын газрын дарга, аймгийн Хөрөнгө оруулалт, хөгжлийн бодлого төлөвлөлтийн хэлтсийн дарга, аймгийн Санхүү, төрийн сангийн хэлтсийн дарга, Орон нутгийн өмчийн газрын дарга, аймгийн Газрын харилцаа, барилга, хот байгуулалтын газрын дарга, Хот, байгуулалт, барилга захиалагчийн алба ОНӨААТҮГ-ын дарга болон Орхон аймаг дахь Төрийн аудитын газрын дарга, аудитын менежер, гүйцэтгэлийн аудитын багийн гишүүд оролцлоо.
Аудитыг Орхон аймаг дахь Төрийн аудитын газрын дарга, Тэргүүлэх аудитор Ц.Нармандах нээж аудитын зорилго зорилт, хамрах хүрээ, багийн бүрэлдэхүүн болон анхаарах асуудлын талаар мэдээлэл өглөө.
