Сумдын 2020 оны төсвийн гүйцэтгэл, санхүүгийн нэгтгэсэн тайланд хийсэн аудитын дүн болон цаашид анхаарах дараах асуудлуудыг сумдын Засаг дарга нарт танилцууллаа.

1. Шилэн дансны тухай хууль, шилэн дансны нэгдсэн цахим хуудсанд тавигдах мэдээллийн агуулга нийтлэг стандарт тогтоосон журмыг уншиж судлан хэрэгжилтэд хяналт тавих, мэдээлэл байршуулах ажил хариуцсан ажилтны ажлын хариуцлагыг сайжруулах;

2. Сум хөгжүүлэх сангийн алдангийг төлөгдсөн үед санхүүгийн тайланд орлогоор хүлээн зөвшөөрч бүртгэлд тусгах;

3. Хугацаа хэтэрсэн зээлийг шүүх хяналтын байгууллагад шилжүүлж байх;

4. Орон нутгийн хөгжлийн бодлого, тэргүүлэх чиглэлд тусгагдаагүй иргэдийн саналаар дэмжигдээгүй, зураг төсөвгүй, зориулалт бус ТАХ-г төлөвлөж санхүүжүүлэхгүй байх;

5. ОНХС-ийн худалдан авах ажиллагааг хуулийн дагуу зохион байгуулах;

6. Захиалагч байгууллагаас тавих хяналтыг чанартай хийж, баримтжуулах;

7. ОНХС-ийн хөрөнгөөр хийгдсэн ажлын санхүүжилт, ажлын гүйцэтгэлтэй холбоотойгоор үүссэн өр авлагыг бүртгэж, тооцоо нийлсэн актаар баталгаажуулах;

8. Хөрөнгө оруулалтаар бэлтгэгдсэн хөдлөх болон үл хөдлөх хөрөнгийг хууль, журмын дагуу хөрөнгийн бүртгэлд тусгаж тайлагнах;

9. Хууль тогтоомжийг хэрэгжүүлж, нягтлан бодогч нарын болон төсөв захирагчдын ур чадварыг дээшлүүлэх талаар анхаарч ажиллах