Монгол Улсын Ерөнхий аудитор Д.Занданбат өчигдөр (2021.04.08) Сонгуулийн ерөнхий хорооны удирдлагуудтай цахим уулзалт хийлээ. Уулзалтаар 2021 оны Ерөнхийлөгчийн ээлжит сонгуулийн бэлтгэл ажлын талаар ярилцав. Тодруулбал, Ерөнхийлөгчийн ээлжит сонгуулийг зохион байгуулахтай холбогдуулан хоёр байгууллагын хэрэгжүүлэх чиг үүрэг, нэр дэвшигчдийн мөрийн хөтөлбөрийг хүлээн авч хянах, дүгнэлт гаргах үйл ажиллагааны уялдаа холбоо болон цаг үеийн нөхцөл байдлын талаар санал солилцлоо. Төрийн аудитын дээд байгууллага нь сонгуулийн хууль тогтоомжид заасны дагуу нам, эвслээс сонгуульд зарцуулах зардлын дээд хэмжээг тогтоох, нэр дэвшигчдийн мөрийн хөтөлбөр, сонгуулийн зардлын тайланг хянаж дүгнэлт гаргах чиг үүргийг хэрэгжүүлдэг юм. Энэ дагуу Төрийн аудитын байгууллага Монгол Улсын Ерөнхийлөгчийн ээлжит сонгуулийн бэлтгэл ажлыг хангах хүрээнд зардлын дээд хэмжээг тогтоож, мөрийн хөтөлбөрт аудит хийх аргачлалыг боловсруулаад байна.
Үндсэн хуулийн өдрийг тохиолдуулан зохион байгуулсан танин мэдэхүйн АХА тэмцээнд нягтлан бодогч О.Мягмарсүрэн амжилттай оролцлоо.
Монгол Улсын Их Хурлын Тамгын газраас аймгийн иргэдийн Төлөөлөгчдийн Хурлын…
