Хөвсгөл аймаг дахь Төрийн аудитын газар нь 2021 оны 1 дүгээр улиралд Төсвийн тухай хуульд заасан цаглаварт хугацаанд 262 төсвийн шууд захирагчийн 147-н төсвийн шууд захирагчийн санхүүгийн тайланд дүгнэлт гаргаж аудитаар Хатгал тосгоны ерөнхий боловсролын сургууль, Алаг-Эрдэнэ сумын ерөнхий боловсролын сургуульд “Хязгаарлалтай” санал дүгнэлт, Арбулаг сумын Засаг даргын тамгын газар, “Түнэл-Илч” ХХК ОНӨҮГ-т “Сөрөг” санал дүгнэлт, 143-н байгууллагад “Зөрчилгүй” санал дүгнэлт тус тус хүргүүллээ. Мөн 115-н төсвийн шууд захирагчийн санхүүгийн тайланд үе шатны ажлыг хэсэгчлэн хийж гүйцэтгэлээ.
Мөн хуульд заасан цаглаварт хугацаанд 17-н төрийн болон орон нутгийн өмчийн аж ахуйн нэгжүүдийн санхүүгийн тайланд аудит хийж 16-н байгууллагад зөрчилгүй санал дүгнэлт хүргүүлсэн. “Хөвсгөлийн Эмийн эргэлтийн сан” ХК-д “Хязгаарлалтай” санал дүгнэлт хүргүүллээ.
Төсвийн тухай хуулийн 8 дугаар зүйлийн 8.9.2-т заасан цаглаварт хугацаанд 25-н төсвийн төвлөрүүлэн захирагчийн 2020 оны санхүүгийн нэгтгэсэн тайлан, төсвийн гүйцэтгэлд аудит хийж “Зөрчилгүй” санал дүгнэлт 22, Арбулаг, Хатгал, Алаг-Эрдэнэ сумдад “хязгаарлалттай” санал дүгнэлтийг тус тус хүргүүллээ.
Төрийн аудитын тухай хуульд заасны дагуу 2021 онд “Ихэрмөрөн аудит” ХХК, “Ньюбаланс аудит” ХХК, “Бизкон аудит” ХХК, “Мөнгө нөөц баялаг аудит” ХХК зэрэг 4-н аудитын хуулийн этгээдтэй гэрээ байгуулан 113 байгууллагын санхүүгийн тайланд аудит хийлгэж хамтран ажиллалаа.
Төсвийн шууд захирагчийн санхүүгийн тайланд хийсэн аудитаар нийт 5,125.2 сая төгрөгийн алдаа, зөрчил илрүүлж, 2,411.3 сая төгрөгийн алдааг аудитын хугацаанд залруулж, 61.4 сая төгрөгийн зөрчилд төлбөрийн акт тогтоож, 77.8 сая төгрөгийн зөрчлийг таслан зогсоох албан шаардлага хүргүүлж, 2,613.9 сая төгрөгийн зөрчлийг дахин давтахгүй байх 277 зөвлөмж хүргүүлж ажиллалаа.
Санхүүгийн тайлангийн аудитын хүрээнд 318-н байгууллагын шилэн дансны хөтлөлтийг хянаж үзэхэд нийт 8,435.4 сая төгрөгийн мэдээллээс хугацаа хоцроож мэдээлсэн, мэдээлээгүй зэрэг зөрчил илэрч, холбогдох албан тушаалтанд зохих зөвлөмжийг хүргүүлэн ажиллалаа.
Цар тахлын нөхцөл байдлаас хамаарч санхүүгийн тайлангийн аудитыг цахимаар хэрэгжүүлэхэд холбогдох анхаарал хандуулж ажилласан ба аймгийн онцгой комисс, мэргэжлийн байгууллагаас өгсөн зааварчилгааг чанд баримтлан ажиллаж байна.
“Улсын төсвийн 2020 оны хөрөнгө оруулалтын төлөвлөгөөний хэрэгжилт, үр дүн, үр ашиг” гүйцэтгэлийн аудитыг улсын хэмжээнд нэгдсэн удирдамжийн дагуу 2021 оны 03 дугаар сарын 25-ны өдрөөс 04 дүгээр сарын 30-ны өдрийг хүртэл төлөвлөгөө, хөтөлбөрийн дагуу гүйцэтгэж байна.
Хөвсгөл аймаг дахь Төрийн аудитын газар
Үндсэн хуулийн өдрийг тохиолдуулан зохион байгуулсан танин мэдэхүйн АХА тэмцээнд нягтлан бодогч О.Мягмарсүрэн амжилттай оролцлоо.
Монгол Улсын Их Хурлын Тамгын газраас аймгийн иргэдийн Төлөөлөгчдийн Хурлын…
