“Нам, нэр дэвшигчийн сонгуулийн зардлын санхүүжилт, түүний зарцуулалт, гүйцэтгэлд дүгнэлт гаргах, нийтэд мэдээлэх” Нийцлийн аудитын талаар

Аймаг, сумын ИТХ-ын 2020 оны ээлжит сонгуульд МАН, АН, МАХН болон 857 нэр дэвшигч оролцжээ.

  1. Аймаг, сумын ИТХ-ын 2020 оны ээлжит сонгуульд оролцсон АН-ын 19 хороо, МАН-ын 2 хороо, аймгийн МАХН-ын 1 түмт болон МАН-ын 308, АН-ын 381, МАХН-ын 3, нийт 732 нэр дэвшигч сонгуулийн зардлын тайлангаа гарган төрийн аудитын байгууллагад ирүүлсэн.

Харин МАН-ын 17 сумын хороо, МАХН-ын 6 сумын хороо болон  МАН-ын 76, АН-ын 37, МАХН-ын 12, нийт 125 нэр дэвшигч сонгуулийн зардлын тайлангаа баталгаажуулж ирүүлээгүй нь “Аймаг, нийслэл, сум, дүүргийн иргэдийн төлөөлөгчдийн хурлын сонгуулийн тухай”  хуулийн 56.3 дахь  заалтыг зөрчсөн байна.

  1. Аймгийн МАН-ын хороонд 30.0 сая төгрөг, аймгийн АН-д 31.5 сая төгрөгийн, нийт 61.5 сая төгрөгийн санхүүжилтийг намын төв байгууллагаас нь оруулсан бол МАН-д 13 иргэнээс 20.7 сая төгрөгийн, АН-д 13 иргэнээс 1.3 сая төгрөгийн, нийт  22.0 сая төгрөгийн хандивын орлого орсон ба аймгийн АН 4.0 сая төгрөгийн хөрөнгийг өөрөө төвлөрүүлж холбогдох хууль журмын дагуу зарцуулсан байна. МАХН хөрөнгө огт төвлөрүүлээгүй байна.

Аймаг, сумын ИТХ-д нэр дэвшигчид 66.3 сая төгрөгийн хөрөнгийг өөрөө төвлөрүүлсэн бол иргэнээс 257.6 сая төгрөгийн, хуулийн этгээдээс 26.7 сая төгрөгийн хандивын орлого, 1.5 сая төгрөгийн намын дэмжлэгийн орлого орж зарцуулсан байна.

  1. Сонгуульд оролцсон МАН-ын 7 сумын хороо, МАХН-ын 3 сум хороо болон АН-ын 19, МАХН-ын 10, нийт 29 нэр дэвшигч банканд сонгуулийн зардлын данс нээлгээгүй нь нь “Аймаг, нийслэл, сум, дүүргийн иргэдийн төлөөлөгчдийн хурлын сонгуулийн тухай” хуулийн 50.1, 50.2, 50.3 дахь гэсэн заалтуудыг зөрчсөн байна.
  2. Нэр дэвшигчдэд хуулиар хүлээн зөвшөөрөгдөөгүй 99.6 сая төгрөгийн хандив төвлөрснөөс 49.0 сая төгрөгийн хандивыг буцаан шилжүүлж, 385 иргэнээс өгсөн 46.6 сая төгрөгийн хандивыг буцаан шилжүүлэлгүй зарцуулсан байна. Энэ нь нь “Аймаг, нийслэл, сум, дүүргийн иргэдийн төлөөлөгчдийн хурлын сонгуулийн тухай” хуулийн 53.4, 55.2, 55.3 дахь  заалтыг зөрчсөн байна.
  3. нь “Аймаг, нийслэл, сум, дүүргийн иргэдийн төлөөлөгчдийн хурлын сонгуулийн тухай” хуулийн 57.1 дэх заалтын дагуу 2020 оны аймаг, сумын ИТХ-ын ээлжит сонгуульд оролцсон нам, нэр дэвшигчид нэг сая ба түүнээс дээш төгрөгийн 69.5 сая төгрөгийн хандивыг 51 иргэн, хоёр сая ба түүнээс дээш төгрөгийн 22.0 сая төгрөгийн хандивыг 5 хуулийн этгээдээс өгсөн бол намд нэг саяас дээш төгрөгийн 20.2 сая төгрөгийн хандивыг 11 иргэн өгчээ. Намд хоёр саяас дээш төгрөгийн хандив өгсөн хуулийн этгээд байхгүй байна.
  4. Нам болон нэр дэвшигчдийн сонгуулийн зардал нь нь “Аймаг, нийслэл, сум, дүүргийн иргэдийн төлөөлөгчдийн хурлын сонгуулийн тухай” хуулийн 49.1 дэх заалтын дагуу Төрийн аудитын байгууллагаас тогтоосон сонгуулийн зардлын дээд хэмжээнээс хэтрээгүй байна.

Аудитаар нь “Аймаг, нийслэл, сум, дүүргийн иргэдийн төлөөлөгчдийн хурлын сонгуулийн тухай” хуулийн 57 дугаар зүйлийн 57.2.3 дахь  “сонгуулийн санхүүжилт, түүний зарцуулалтад гарсан зөрчлийн талаар баримт бичиг үйлдэх, бүрдүүлэх, холбогдох байгууллагад хүргүүлэх”  бүрэн эрхийн хүрээнд сонгуулийн зардлын тайлан ирүүлээгүй, сонгуулийн зардлын данс нээгээгүй нам, нэр дэвшигчид, хуулийн шаардлага хангаагүй хандивыг буцаан төвлөрүүлээгүй нэр дэвшигчдийн жагсаалтыг хавсралтаар гаргаж, Зөрчлийн тухай хуулийн 17.1 дүгээр зүйлийн 21, 22, 23, 25 дугаар зүйлийн дагуу шийдвэрлүүлэхээр аймгийн Засаг даргын Тамгын газрын СТСХ-т хүргүүллээ.

Нийцлийн аудитын тайланг ЭНД -ээс үзнэ үү.

Хадивын талаар мэдээллийг ЭНД– ээс үзнэ үү

Хандивын тайлан ирүүлээгүй, данс нээгээгүй нэр дэвшигчдийн мэдээллийг ЭНД -ээс үзнэ үү

Зөвшөөрөгдөөгүй хандивын мэдээллийг ЭНД -ээс үзнэ үү.