Улсын Их Хурлын Төсвийн байнгын хорооны “Аудитын сэдэв батлах тухай” 2020 оны 5 дугаар тогтоол, “Аудитын төлөвлөгөө батлах тухай” Монгол Улсын Ерөнхий аудиторын 2021 оны А/28 дугаар тушаалыг тус тус үндэслэн Төрийн аудитын тухай хуулийн 6 дугаар зүйлийн 6.3.1, 6.3.3-т заасан бүрэн эрхийн хүрээнд “Монгол Улсын Хөгжлийн бодлого, төлөвлөлтийн баримт бичгийн хэрэгжилт”- д гүйцэтгэлийн аудит хийхээр төлөвлөн урьдчилсан судалгааны ажлыг хийж байна.
Аудитын үр дүнд эрдэмтэн, судлаачдын өгсөн санал чухал үүрэгтэй тул аудитын урьдчилсан судалгааны ажлын хүрээнд Монгол Улсын хөгжлийн бодлого, төлөвлөлтийн тогтолцоо, бодлогын баримт бичгийн уялдаа холбоо, бодлогын баримт бичгийн хэрэгжилтийн явцад үүсэж буй эрсдэл, давуу болон сул талууд, судалгаа шинжилгээний үр дүн, өнөөгийн нөхцөл байдал, төрийн бусад байгууллагуудын оролцоо хэрхэн хангагдаж байгаа, Монгол улсын урт хугацааны хөгжлийн бодлогын баримт бичиг нь Дэлхийн тогтвортой хөгжлийн үзэл баримтлалтай хэрхэн уялдаж байгаа, баримт бичгийн хэрэгжилтийг үзэхэд төрийн аудитын байгууллага юунд анхаарах, төрийн бодлогод тусгах, шийдвэр гаргах түвшинд уламжлах асуудал зэрэг асуудлаар аудитын багийн гишүүдэд мэдээлэл өгч, санал солилцоно.
Мөн цаашид аудитын төлөвлөлт, хэрэгжилтийн үе шатанд хамтран ажиллах зорилгоор эрдэмтэн судлаачид, иргэн, хуулийн этгээд, мэргэжлийн байгууллагын төлөөлөлтэй 2021 оны 6 дугаар сарын 04 -ны өдрийн Баасан гаригт 14 цагт цахим уулзалт /zoom/ хийхээр төлөвлөж байна.
“Монгол Улсын Хөгжлийн бодлого, төлөвлөлтийн баримт бичгийн хэрэгжилт” сэдэвт аудитын талаар тодруулах зүйлсийг naranjargalm@audit.gov.mn цахим хаяг, 90912009 дугаар утсаар, цахим уулзалтад оролцох хүсэлт ирүүлэх, бүртгүүлэх талаар khongorzulz@audit.gov.mn цахим хаягаар болон 99155055 дугаар утсаар тус тус холбогдоно уу.
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
