АУДИТЫН ЗӨВЛӨХ ҮЙЛЧИЛГЭЭНИЙ ТУХАЙ ЗАРЛАЛ

АУДИТЫН ЗӨВЛӨХ ҮЙЛЧИЛГЭЭНИЙ ТУХАЙ ЗАРЛАЛ

 

  1. Орхон аймаг дахь Төрийн аудитын газар нь Төрийн байгууллага, орон нутгийн өмчийн оролцоотой этгээдийн 2021 оны жилийн эцсийн санхүүгийн тайланд гэрээгээр аудит хийх Хараат бус аудитын компанийг сонгон шалгаруулах тул аудитын үйлчилгээ үзүүлэх хүсэлтэй этгээдийг сонирхлоо илэрхийлэхийг урьж байна.

 

  1. Энэхүү аудитын үйлчилгээ нь Төрийн аудитын тухай хуулийн 8 дугаар зүйлийн 8.4-д заасны дагуу Төсвийн захирагчдын санхүүгийн тайланд аудит хийх чиг үүргээ аудитын хуулийн этгээдээр гэрээний үндсэн дээр гүйцэтгүүлэх шаардлагын дагуу зарлагдаж байгаа болно.

 

  1. Мэдүүлгээ ирүүлж буй аудитын хуулийн этгээд нь уг үйлчилгээг гүйцэтгэх чадвартайг нотлох дараах мэдээлэл болон холбогдох бичиг баримтын баталгаат хуулбарыг Орхон аймаг дахь Төрийн аудитын газарт ирүүлнэ үү.

 

А. Улсын бүртгэлийн гэрчилгээ, аудит хийх тусгай зөвшөөрлийн хүчинтэй хугацаа нь тухайн жилд аудит хийх хуулийн цаглавар хугацаатай нийцсэн эсэх;

 

Б. Аудитын компани нь хариуцлагын даатгалтай эсэх;

 

В. Аудитын компанийн захирал нь мэргэшсэн нягтлан бодогчийн хугацаагүй эрхтэй эсэх;

 

Г. Аудитын компани нь 4-өөс доошгүй мэргэшсэн нягтлан бодогчтой эсэх;

 

Д. Аудитын компанийн захирал болон мэргэшсэн нягтлан бодогчид нь мэргэжлийн ёс зүйн алдаа гаргаагүй талаар Монголын Мэргэшсэн Нягтлан Бодогчдын Институт (ММНБИ)-ийн тодорхойлолттой эсэх;

 

Е. Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хууль тогтоомжийн 21.1 дэх заалтыг зөрчөөгүй байх;

 

Ё. Төрийн аудитын байгууллагын захиалгаар сүүлийн 3 жилийн хугацаанд аудитын ажил гүйцэтгэж байсан туршлагатай байх, хэрэв ийм ажил гүйцэтгээгүй бол мөн хугацаанд улсын салбарт ижил төстэй ажил хийсэн туршлагатай байх.

 

Ж. Сангийн Яам болон бусад мэргэжлийн байгууллагаас хийгдсэн чанарын баталгаажуулалтын дүгнэлт.

 

  1. Чадварыг нэмэгдүүлж сайжруулах зорилгоор аудитын хуулийн этгээдүүд түншлэлийн хэлбэрээр оролцож болно.

 

Сонирхсон этгээд нэмэлт мэдээллийг Орхон аймаг дахь Төрийн аудитын газрын утас 70353088, 70350757 утсаар холбогдон авч болох бөгөөд мэдүүлгээ 2021 оны 9 дугаар сарын 29-ны өдрийн 1700 цагаас өмнө ирүүлнэ үү.

 

 

Орхон аймаг дахь Төрийн аудитын газар,

Нутгийн Удирдлагын ордны 3 давхарт 308 тоот.

Холбоо барих утас: 70350757, 99941988

Аудитын тайлан

Аудио мэдээ

Видео мэдээ