Төрийн аудитын тухай хуулийн 8 дугаар зүйлийн 8.1 дэх заалт, Нийслэл дэх Төрийн аудитын газрын 2021 оны гүйцэтгэлийн төлөвлөгөөг үндэслэн Баянгол, Баянзүрх, Багануур, Налайх дүүргүүд дээр холбогдох эрх бүхий албан тушаалтнуудыг оролцуулан 2021 оны санхүүгийн тайланд хийх завсрын аудитын нээлтийг хийлээ. Корона вирус “COVID-19” цар тахлаас шалтгаалан зарим дүүргүүдийн аудитын нээлтийг цахимаар хийв.
Аудитын хоёрдугаар хэлтсийн дарга З.Мөнхбаяр нээж аудитын зорилго, зорилт, хамрах хүрээ, шалгуур үзүүлэлт, багийн бүрэлдэхүүн, хөтөлбөр хуваарь болон анхаарах асуудал талаар мэдээлэл өглөө.
Завсрын аудитын зорилго нь 2021 оны санхүүгийн тайлангийн аудитын бэлтгэл ажлын хүрээнд дүүргийн орон нутгийн төсвийн байгууллага, өрхийн эрүүл мэндийн төв, орон нутгийн өмчит аж ахуйн нэгжүүдийн санхүүгийн тайлан нь Улсын секторын нягтлан бодох бүртгэлийн олон улсын стандарт /УСНББОУС/, Санхүүгийн тайлагналын олон улсын стандарт /СТОУС/, Нягтлан бодох бүртгэлийн олон улсын стандарт /НББОУС/ болон холбогдох хууль, заавар журмын дагуу үнэн, зөв бэлтгэгдэж байгаа эсэхийг хянах, завсрын аудитаар илэрсэн зөрчил, дутагдлын талаар байгууллагын удирдлага, санхүүгийн ажилтнуудад заавар, зөвлөгөө өгөх, өмнөх оны аудитаар өгсөн зөвлөмжийн хэрэгжилтийг шалгахад чиглэнэ. Үүнд:
- 2020-2021 онд улс, орон нутгийн төсвийн хөрөнгө оруулалт болон орон нутгийн хөгжлийн сангийн хөрөнгөөр бэлтгэсэн хөрөнгийг данс бүртгэлд бүрэн тусгасан эсэхийг тулган шалгах;
- Зарим хөрөнгийн үлдэгдэлд газар дээр нь биет тест хэрэгжүүлэх, үндсэн хөрөнгө, бараа материалд хэсэгчилсэн хяналтын тооллого хийх;
- Нягтлан бодох бүртгэлийн зарим данснуудын гүйлгээг түүвэрлэн хууль, заавар журмын дагуу хийгдсэн эсэхийг шалгах, ажил гүйлгээг тулган баталгаажуулах, дүнгээс хөөн шалгах, давтан тооцоолол хийх;
- Өмнөх оны аудитаар өгсөн төлбөрийн акт, албан шаардлага, зөвлөмжийн хэрэгжилтийг хянах.
АУДИТЫН ХОЁРДУГААР ХЭЛТЭС
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
