Улсын Их Хурлын Төсвийн удирдлагын хорооны 2020 оны 05 дугаар тогтоол, Монгол Улсын Ерөнхий аудиторын 2021 оны А/28 дугаар тушаалын дагуу “Хүнсний аюулгүй байдлыг хангах чиглэлээр үйл ажиллагаагаа явуулж буй систем, төсвөөс зарцуулсан хөрөнгийн үр дүн” сэдэвт гүйцэтгэлийн аудит хийх гэж байна. Уг аудиттай холбоотой УАГ-ын Гуравдугаар шатны аудитын асуудлын шинжилгээ, арга зүйг дэлгэрэнгүй тайлбарлаж, санал, асуулгад хамрагдсан цахим хэлэлцүүлгийг 2021 оны 9-р сарын 24-ний өдөр зохион байгууллаа. Цахим хэлэлцүүлэгт ахлах аудитор Х.Сувдмаа, С.Батцэцэг, аудитор Г.Батмягмар нар оролцов.
