Үндэсний аудитын газраас Монгол Улсын Хөгжлийн бодлого, төлөвлөлтийн баримт бичгийн хэрэгжилтийн явц, үр дүнд аудит хийж, дүгнэлт, зөвлөмжийг боловсруулж, холбогдох байгууллага, албан тушаалтанд хүргүүллээ. Үндэсний хөгжлийн бодлого, төлөвлөлтийн тогтолцоо оновчтой байгаа эсэх, Хөгжлийн бодлого, төлөвлөлт, түүний удирдлагын тухай хуульд заасан шаардлагын дагуу үндэслэлтэй төлөвлөсөн эсэх, баримт бичгийн хэрэгжилтийн явц, үр дүнг бүрэн үнэлж, дүгнэсэн эсэхэд гүйцэтгэлийн аудит хийсэн юм.
Аудитаар “Монгол Улсын тогтвортой хөгжлийн үзэл баримтлал-2030”, “Алсын хараа-2050” Монгол Улсын урт хугацааны хөгжлийн бодлогын баримт бичгийн хүрээнд найман асуудал бүхий дүгнэлт боловсруулсан байна. Мөн аудитын дүгнэлтэд үндэслэн Монгол Улсын Ерөнхий сайд, Засгийн газрын Хэрэг эрхлэх газрын дарга, төсвийн ерөнхийлөн захирагч нарт нийтдээ зургаан асуудал бүхий зөвлөмж хүргүүлэн ажиллалаа. Тус аудитын тайлантай ЭНД дарж танилцах боломжтой.
Үндсэн хуулийн өдрийг тохиолдуулан зохион байгуулсан танин мэдэхүйн АХА тэмцээнд нягтлан бодогч О.Мягмарсүрэн амжилттай оролцлоо.
Монгол Улсын Их Хурлын Тамгын газраас аймгийн иргэдийн Төлөөлөгчдийн Хурлын…
