ЗӨВЛӨХИЙН ҮЙЛЧИЛГЭЭ ҮЗҮҮЛЭХ ХҮСЭЛТЭЙ ХУВЬ ХҮН/БАГ/, ХУУЛИЙН ЭТГЭЭДЭД шинжээчээр хамтран ажиллах урилга хүргүүлэх тухай

Шинжээчээр хамтран ажиллах урилга хүргүүлэх тухай

Үндэсний аудитын газар нь дараах аудитын сэдвийн хүрээнд холбогдох аудитад шинжээчээр ажиллаж, зөвлөхийн үйлчилгээ үзүүлэх хүсэлтэй хувь хүн/баг/, хуулийн этгээдийг мэдээллээ ирүүлэхийг урьж байна.Үүнд:

№	Аудитын сэдэв, ажлын нэр
1	“Улс, орон нутгийн төсвийн 2021 оны хөрөнгө оруулалтын төлөвлөгөөний хэрэгжилт, үр дүн” сэдэвт аудит:
1.1	Барилгын салбарт мөрдөгдөж буй норм, норматив, стандартад шинжилгээ хийж, сайжруулах чиглэлээр дүгнэлт, зөвлөмж боловсруулах, норм нормативын сангийн хөрөнгийн бүрдүүлэлт, зарцуулалтын үр нөлөөг тодорхойлж, дүгнэлт гаргах; Дэлгэрэнгүй мэдээллийг ЭНД дарж үзнэ үү.
1.2	Улсын төсвийн хөрөнгө оруулалтаар хэрэгжсэн дуусаагүй орхигдсон зарим барилга байгууламжид шинжээчийн дүгнэлт гаргах /16 ТАХ/: Дэлгэрэнгүй мэдээллийг ЭНД дуусаагүй орхигдсон зам дарж үзнэ үү.
2	“Эрдэнэс Тавантолгой ХК-ийн 2018-2021 оны үйл ажиллагаа болон Тавантолгойн орд ашиглалтад төрөөс эрдэс баялгийн салбарт баримтлах бодлого, Ашигт малтмалын тухай хуулиар хүлээсэн үүргийн биелэлт” сэдэвт аудит:
2.1	Тавантолгойн ордын Цанхийн зүүн болон баруун, Бортээгийн хэсгийн ордын нөөц тогтоолт, олборлолтын чиглэлээр шинжээчийн дүгнэлт гаргах; Дэлгэрэнгүй мэдээллийг ЭНД дарж үзнэ үү.
2.2	Цанхийн зүүн, баруун болон Бортээгийн хэсгийн ордын баялгийг нэмүү өртөг шингэсэн эцсийн бүтээгдэхүүн болгон үйлдвэрлэхэд чиглэсэн үйл ажиллагаанд шинжээчийн дүгнэлт гаргах: Дэлгэрэнгүй мэдээллийг ЭНД дарж үзнэ үү.
3	“Оюутолгой төсөлд оруулсан хөрөнгө, оруулалт, санхүүжилтийн зарцуулалт, үр нөлөө” сэдэвт аудит:
3.1	“Оюутолгой төсөлд оруулсан хөрөнгө, оруулалт, санхүүжилтийн зарцуулалт, үр нөлөө” сэдэвт аудитаар байгаль орчны нөлөөлөлд дүгнэлт гаргах шинжээч ажиллуулах Дэлгэрэнгүй мэдээллийг ЭНД дарж үзнэ үү.
4	“Газрын тос, нефтийн завсрын нэмэлт бүтээгдэхүүний талаар төрөөс хэрэгжүүлж байгаа бодлого, үйл ажиллагааны хэрэгжилт, үр дүн” сэдэвт аудит:
4.1.	Газрын тос, нефтийн завсрын бүтээгдэхүүний эрх зүйн орчныг судалж дүгнэх, бүтээгдэхүүний чанарын шалгалтад хөндлөнгийн хяналт тавьж дүгнэлт гаргах, аудитын багт мэргэжлийн зөвлөгөө өгөх Дэлгэрэнгүй мэдээллийг ЭНД дарж үзнэ үү.

Энэхүү үйл ажиллагаа нь Монгол Улсын Ерөнхий аудиторын 2020 оны А/82 дугаар тушаалын хавсралтаар батлагдсан “Шинжээч сонгон шалгаруулах, гэрээ байгуулах, дүгнэх, гүйцэтгэсэн ажлын чанарыг хянах журам”-ын хүрээнд хэрэгжих болно.

Шинжээч нь батлагдсан ажлын даалгаварт дурдсан ажлыг чанарын өндөр түвшинд гүйцэтгэж, ажлын үр дүнг илтгэсэн шинжээчийн тайлан бичнэ.

Мэдээллээ ирүүлж буй шинжээч нь дээрх зөвлөх үйлчилгээг гүйцэтгэхээ илэрхийлсэн албан хүсэлт, мэргэжлийн үйл ажиллагаа эрхлэх зөвшөөрөл, санхүүгийн дэлгэрэнгүй санал ирүүлэхээс гадна дараах мэдээллийг ирүүлнэ. Үүнд: Хуулийн этгээд бол:

– Улсын бүртгэлийн гэрчилгээний хуулбар;

– Татварын өргүй тухай тодорхойлолт/;

– Нийгмийн даатгалын шимтгэлийн өргүй тодорхойлолт/;

– Шүүхийн төрөлжсөн архивын тодорхойлолт;

– Гүйцэтгэсэн ижил төстэй зөвлөх үйлчилгээний мэдээлэл сүүлийн 3 жилээр /2019, 2020, 2021 он/;

– Ажилтны анкет, боловсрол, мэргэшлийн гэрчилгээний хуулбар;

– Ажилтны нийгмийн даатгалын цахим лавлагаа /сүүлийн 1 жилээр/;

– Сүүлийн 2 жилийн санхүүгийн тайлан аудитын дүгнэлтийн хамт /2020, 2021 он/.

Хувь хүн/баг бол:

– Иргэний үнэмлэхийн хуулбар;

– Анкет /СV/;

– Боловсрол, мэргэшлийн гэрчилгээний хуулбар;

– Гүйцэтгэсэн ижил төстэй зөвлөх үйлчилгээний мэдээлэл /сүүлийн 3 жилээр/;

– Багийн хувьд гишүүдийн хамтран ажиллах гэрээ /нотариатаар баталгаажуулсан/:

Шинжээч нь аудитын явцад олж авсан болон мэдсэн төр, байгууллага, хувь хүний нууцад хамаарах мэдээллийн нууцлалыг хадгалах ба гэрээгээр тохиролцсон ажилд оролцож дүгнэлт гаргах үйлчилгээ үзүүлэхдээ мэргэжлийн болон ёс зүйн өндөр түвшинд шударгаар ажиллаж, төрийн аудитын байгууллагын ажилтны ёс зүйн дүрмийг нэгэн адил даган мөрдөж ажиллана.

Сонирхсон этгээд нь холбогдох мэдээллийг 2022 оны 03 дугаар сарын 21-ний өдрийн 10 цаг 00 минутаас өмнө авч болох бөгөөд мэдээллээ 2022 оны 03 дугаар сарын 21-ний өдрийн 10 цаг 10 минутын дотор дараах цахим хаягаар /tsend-ayushn@audit.gov.mn, info@audit.gov.mn/ pdf файл хэлбэрээр ирүүлнэ үү. Хариуцсан ажилтан: Үндэсний аудитын газрын Санхүү, хөрөнгө оруулалтын хэлтсийн Худалдан авах үйл ажиллагаа хариуцсан шинжээч Н.Цэнд-Аюуш. Гар утас: 88051068

Захиалагчийн хаяг: 15160 Улаанбаатар хот, Чингэлтэй дүүрэг, Бага тойруу-3, Засгийн

газрын IV байр, 409 тоот өрөө. Үндэсний Аудитын газар, Утас: 51-26 35 33. www.audit.mn.

ҮНДЭСНИЙ АУДИТЫН ГАЗАР