Орхон аймаг дахь Төрийн аудитын газраас “Төрөөс хөдөлмөр эрхлэлтийг дэмжих, ажлын байрыг нэмэгдүүлэх чиглэлээр авч хэрэгжүүлсэн бодлогын хэрэгжилт, үр дүн” сэдэвт гүйцэтгэлийн аудитын нээлтийг 2022 оны 03 дугаар сарын 21-ний өдөр зохион байгуулав. Тухайн нээлтэд аймгийн Засаг даргын орлогч А.Түвшинжаргал, Засаг даргын Тамгын газрын Нийгмийн бодлогын хэлтэс, аймгийн Хөдөлмөр, халамжийн үйлчилгээний газар, Орхон аймаг дахь ХАА-н МСҮТ, Орхон аймгийн МСҮТ-ийн удирдлага болон холбогдох мэргэжилтнүүдийг оролцуулан, аудитын төлөвлөгөөг танилцуулж, мэдээлэл солилцлоо. Аудитыг УИХ-ын Төсвийн байнгын хорооны 2021 оны 06 дугаар тогтоол, Монгол Улсын Ерөнхий аудиторын 2022 оны А/12 дугаар тушаалаар батлагдсан төлөвлөгөөнд үндэслэн Үндэсний аудитын газрын нэгдсэн удирдамжаар гүйцэтгэж байна.
Тус аудитыг дараах чиглэлээр гүйцэтгэнэ. Үүнд:
1.Төрөөс хөдөлмөр эрхлэлтийг дэмжих, ажлын байрыг нэмэгдүүлэх чиглэлээр авч хэрэгжүүлсэн бодлогын баримт бичиг мөн төрийн байгууллагуудын бүтэц, чиг үүргийн уялдаа холбоо хангагдсан эсэх.
2.Төрөөс хөдөлмөр эрхлэлтийг дэмжих, ажилгүйдлийг бууруулах, ажлын байрыг нэмэгдүүлэх чиглэлээр хэрэгжүүлсэн үйл ажиллагааны үр дүн, хөрөнгийн зарцуулалт үр ашигтай байгаа эсэх.
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
