“Төрөөс хөдөлмөр эрхлэлтийг дэмжих, ажлын байрыг нэмэгдүүлэх чиглэлээр авч хэрэгжүүлсэн бодлогын хэрэгжилт, үр нөлөө”-нд хийх гүйцэтгэлийн аудитын нээлт хийлээ

Дархан-Уул аймаг дахь Төрийн аудитын газраас УИХ-ын Төсвийн байнгын хорооны 2021 оны 6 дугаар тогтоол, МУЕА-ын 2022 оны А/12 дугаар тушаалаар баталсан “Төрийн аудитын байгууллагын 2022 онд гүйцэтгэх аудитын төлөвлөгөө”-нд тусгагдсан “Төрөөс хөдөлмөр эрхлэлтийг дэмжих, ажлын байрыг нэмэгдүүлэх чиглэлээр авч хэрэгжүүлсэн бодлогын хэрэгжилт, үр нөлөө”-нд хийх гүйцэтгэлийн аудитын нээлтийг 2022 оны 03 дугаар сарын 21-ний өдөр зохион байгууллаа.

Аудитын нээлтэд Дархан-Уул аймаг дахь Төрийн аудитын газрын дарга, тэргүүлэх аудиторын албан үүргийг түр орлон гүйцэтгэгч Ш.Мөнхбаяр, аудитын баг болон аймгийн Засаг даргын тамгын газар, Дархан, Хонгор сумын Засаг даргын тамгын газар, Хөдөлмөр эрхлэлтийн салбар зөвлөл, Хөдөлмөр, халамж үйлчилгээний газар, Хүнс, хөдөө аж ахуйн газар, Ажил олгогч эздийн холбоо, Уул уурхай, эрчим хүчний политехник коллеж, Дархан өргөө политехник коллеж, Дархан-Уул аймаг дахь политехник коллеж зэрэг байгууллагууд оролцлоо.