НИЙСЛЭЛИЙН СОНГИНОХАЙРХАН, БАГАХАНГАЙ ДҮҮРГИЙН ИРГЭДИЙН ТӨЛӨӨЛӨГЧДИЙН ХУРЛЫН НӨХӨН СОНГУУЛЬД ОРОЛЦОХ УЛС ТӨРИЙН НАМ, ЭВСЭЛД

Монгол Улсын Сонгуулийн ерөнхий хорооноос  Аймаг, нийслэл, сум, дүүргийн Иргэдийн Төлөөлөгчдийн Хурлын сонгуулийн тухай хуулийн 9 дүгээр зүйлийн 9.9-т заасны дагуу Нийслэлийн Сонгинохайрхан, Багахангай дүүргийн иргэдийн Төлөөлөгчдийн хурлын нөхөн сонгуулийг 2022 оны 6 дугаар сарын 19-ний өдрийн Ням гаригт зохион байгуулахаар болсон талаар албан бичиг ирүүлсэн.

Аймаг, нийслэл, сум, дүүргийн Иргэдийн Төлөөлөгчдийн Хурлын сонгуулийн тухай хуулийн 37 дугаар зүйлийн 37.8 дахь хэсэгт “Орон нутгийн Хурлын ээлжит бус, нөхөн, дахин сонгуулиар нам, эвсэл болон бие даан нэр дэвшигч нь төрийн аудитын дээд байгууллагаас тогтоосон хугацаанд сонгуулийн мөрийн хөтөлбөр болон энэ хуулийн 25.3.6, 25.4.6-д заасан хандивын тайландаа дүгнэлт гаргуулахаар төрийн аудитын байгууллагын орон нутаг дахь салбар байгууллагад хүргүүлнэ” гэж заасны дагуу улс төрийн нам, эвсэл холбогдох баримт материалаа /хавсралтын дагуу/ 2022 оны 4 дүгээр сарын 10-аас өмнө Нийслэл дэх Төрийн аудитын газарт ирүүлнэ үү.

Мөрийн хөтөлбөрийг Нийслэл дэх Төрийн аудитын газарт /Соёлын төв өргөө Г корпус 6 давхар 616 тоот/ хүлээн авна.

(Холбоо барих утас 31-55-78, Аудитор Д.Мөнхдэлгэр 88125435 Нийслэл дэх Төрийн аудитын газар. Аудитын нэгдүгээр хэлтэс)