Тогтвортой амьжиргаа-3 төсөлтэй хамтран “Орон нутгийн хөгжлийн сангийн үйл ажиллагааны туршлага солилцох арга хэмжээ”-ний сургалт, хэлэлцүүлгийг 2022.04.27-2022.04.09-ний өдрүүдэд Өлзийт, Гурванбулаг сумдад 20 сумыг 2 бүс болгон зохион байгуулж сумдын ИТХ-ын дарга, Засаг дарга, Санхүүгийн албаны дарга, сан хариуцсан нягтлан бодогч нарыг хамрууллаа.
Сургалт, хэлэлцүүлгээр сумын Орон нутгийн хөгжлийн сангийн хөрөнгийг зарцуулах үйл явцыг зохион байгуулах тэргүүн туршлага, иргэдэд мэдээлэл хүргэх, иргэдийн оролцоо, хяналт шинжилгээний үнэлгээний сайн туршлагаа Гурванбулаг, Өлзийт сумд анхан шатнаас эхлэн танилцуулав.
Төрийн аудитын газраас сангийн хөрөнгийн зарцуулалт, ашиглалт, анхаарах зүйлсийн талаар өмнөх оны нийцлийн болон санхүүгийн тайлангийн аудитаар илэрсэн зөрчил цаашид анхаарах асуудал, Улсын хэмжээнд нэгдсэн удирдамжаар хийгдэх ОНХС-ын аудитын зорилго чиглэл, төлөвлөгөө хөтөлбөрийг танилцууллаа.
Мөн сургалтад оролцсон сум бүрийн сүүлийн 3 жилд сангийн хөрөнгөөр хийсэн төсөл арга хэмжээнээс хамгийн сайн хэрэгжсэн ажлын талаарх мэдээллийг сонсож оролцогсод санал бодлоо харилцан солилцсон үр дүнтэй арга хэмжээ боллоо.
Баянхонгор аймаг дахь Төрийн аудитын газар
